ज्वारी, मका व बाजरी खरेदीच्या मुदतीत 20 जुलैपर्यंत वाढ
जळगाव दि – 09 ( प्रतिनिधी) :किमान आधारभूत किंमत खरेदी योजनेअंतर्गत रब्बी हंगाम 2024-25 मध्ये ज्वारी, मका व बाजरी या भरडधान्यांची खरेदी करण्यात येणार आहे.
जळगांव जिल्ह्यात पणन महासंघामार्फत अमळनेर, पारोळा, चोपडा, धरणगांव, एरंडोल, पाळधी, म्हसावद, जळगांव, भुसावळ, यावल, रावेर, मुक्ताईनगर, बोदवड, जामनेर, शेंदुर्णी, पाचोरा, भडगांव व चाळीसगांव असे एकूण 18 खरेदी केंद्र कार्यरत राहणार आहेत. भरडधान्य ज्वारी, मका, बाजरी खरेदीकरिता आता 20 जुलै 2025 पर्यंत मुदतवाढ देण्यात आली आहे.
रब्बी हंगामातील हमीभाव पुढीलप्रमाणे आहेत :
* ज्वारी : रुपये ३३७१/- प्रति क्विंटल
* मका : रुपये २२२५/- प्रति क्विंटल
* बाजरी : रुपये २६२५/- प्रति क्विंटल
तरी शेतकरी बंधुंनी ज्वारी, मका व बाजरी खरेदीचा लाभ घ्यावा. असे आवाहन मंत्री गिरीष महाजन, पालकमंत्री गुलाबराव पाटील,
विभागीय संचालक संजय वामनराव सावकारे,महाराष्ट्र राज्य पणन महासंघ लि. चे उपाध्यक्ष रोहित निकम,
संचालक संजय मुरलीधर पवार व एस. एस. मेने (प्र.जिल्हा पणन अधिकारी, जळगांव) यांच्या वतीने करण्यात येत आहे.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
