ट्रान्सपोर्ट कार्यालयातून मालवाहू पिकअप व्हॅनची चोरी

ट्रान्सपोर्ट कार्यालयातून मालवाहू पिकअप व्हॅनची चोरी

जुना नशिराबाद रोड परिसरातील घटना; अज्ञात चोरट्याविरुद्ध गुन्हा दाखल

जळगाव : शहरातील जुना नशिराबाद रोड परिसरात असलेल्या ट्रान्सपोर्ट कार्यालयातून मालवाहू पिकअप व्हॅन चोरीला गेल्याची घटना उघडकीस आली आहे. या प्रकारामुळे व्यावसायिकांमध्ये चिंतेचे वातावरण निर्माण झाले आहे.

कृष्णा कारगो ट्रान्सपोर्ट येथे दि. २ एप्रिल रोजी रात्रीच्या सुमारास अज्ञात चोरट्यांनी गिरीश शैलेंद्र तायडे (वय ३०, रा. जोशीपेठ, जुना नशिराबाद रोड) यांची एमएच १९, बीएम ९६९७ क्रमांकाची मालवाहू पिकअप व्हॅन चोरून नेली.
घटनेची माहिती मिळताच तायडे यांनी दि. ३ एप्रिल रोजी शनिपेठ पोलीस ठाण्यात तक्रार दाखल केली. त्यानुसार अज्ञात चोरट्यांविरुद्ध गुन्हा नोंदविण्यात आला असून पुढील तपास पोलीस हवालदार प्रदीप नन्नवरे करीत आहेत.