डॉ. उल्हास पाटील वैद्यकीय महाविद्यालयात बहुविद्याशाखीय कार्यशाळा

डॉ. उल्हास पाटील वैद्यकीय महाविद्यालयात बहुविद्याशाखीय कार्यशाळा

४०० प्रतिनिधींचा प्रत्यक्ष , २०० जणांचा ऑनलाईन सहभाग 

प्रतिनिधी I जळगाव
डॉ. उल्हास पाटील वैद्यकीय महाविद्यालय व रुग्णालयात आयोजित बहु विद्याशाखीय विषयांच्या कार्यशाळेला डॉक्टर, विद्यार्थी व तज्ज्ञांकडून उत्स्फूर्त प्रतिसाद मिळाला. स्टुडंट कौन्सिलतर्फे आयोजित या सीएमई कार्यशाळेत ४०० प्रतिनिधींनी प्रत्यक्ष उपस्थित राहून सहभाग नोंदविला, तर २०० जणांनी ऑनलाईन सहभाग घेतला. कार्यशाळेचे उद्घाटन गोदावरी फाउंडेशनचे अध्यक्ष डॉ. उल्हास पाटील यांच्या हस्ते करण्यात आले.

कार्यक्रमाला गोदावरी फाउंडेशनच्या सचिव डॉ. वर्षा पाटील, अधिष्ठाता डॉ. प्रशांत सोळंके, संचालक डॉ. एन. एस. आर्विकर, निबंधक प्रमोद भिरूड, एमएमसी निरीक्षक डॉ. दिलीप ढेकळे, वैद्यकीय अधीक्षक डॉ. प्रेमचंद पंडीत, मेडीसीन तज्ज्ञ डॉ. चंद्रय्या कांते, होमीओपॅथी महाविद्यालयाचे प्राचार्य डॉ. पंकज शर्मा, डॉ. गुणवंतराव सरोदे आयुर्वेद महाविद्यालयाचे अधिष्ठाता डॉ. हर्षल बोरोले, डॉ. उल्हास पाटील कॉलेज ऑफ फिजीओथेरेपी महाविद्यालयाचे प्राचार्य डॉ. जयवंत नागुलकर, गोदावरी नर्सिंग महाविद्यालयाच्या प्राचार्या विशाखा गणवीर, डॉ. केतकी पाटील नर्सिंग महाविद्यालयाचे प्राचार्य शिवानंद बिरादर, आयक्यूएसी समन्वयक डॉ. प्रशांत गुडेट्टी उपस्थित होते.

*****
वैद्यकीय क्षेत्रात बहुविद्याशाखीय दृष्टिकोनाचे महत्त्व अनन्यसाधारण आहे आधुनिक वैद्यकीय उपचार पद्धतीमध्ये विविध शाखांतील डॉक्टरांनी एकत्रितपणे काम करणे आवश्यक असून त्यामुळे रुग्णांना परिणामकारक व अचूक उपचार मिळू शकतात, विद्यार्थ्यांनी अशा कार्यशाळांमधून नव्या संशोधनाची माहिती घेऊन ज्ञानात सातत्याने भर घालावी .
– माजी खा . डॉ. उल्हास पाटील ( अध्यक्ष , गोदावरी फाउंडेशन )
*****

तज्ज्ञांकडून मार्गदर्शन
कार्यशाळेत विविध वैद्यकीय शाखांतील तज्ज्ञांनी रुग्णसेवेत बहुविद्याशाखीय समन्वयाचे महत्त्व, आधुनिक निदान पद्धती, उपचारातील नव्या तंत्रज्ञानाचा वापर, वैद्यकीय संशोधनाची दिशा याविषयी माहिती दिली. तज्ज्ञांनी सादरीकरणातून जटिल आजारांवरील विविध क्षेत्रातील उपचार पध्दती वापरताना विविध विभागांतील डॉक्टरांनी एकत्रितपणे काम करण्याची गरज स्पष्ट केली. त्यामुळे रुग्णांना प्रभावी उपचार मिळतात उपचार प्रक्रियेत अचूकता वाढते, असे मत व्यक्त करण्यात आले. या कार्यशाळेमुळे वैद्यकीय विद्यार्थ्यांना आणि तरुण डॉक्टरांना नवीन वैद्यकीय संशोधन, तंत्रज्ञान आणि उपचार पद्धतींची माहिती मिळाली. सहभागी विद्यार्थ्यांनी या उपक्रमाचे कौतुक करताना अशा कार्यशाळा भविष्यातही आयोजित कराव्यात, अशी अपेक्षा व्यक्त केली. कार्यक्रमाच्या यशस्वी आयोजनासाठी आयक्यूएसी समन्वयक डॉ. प्रशांत गुडेट्टी, स्टुडंट कौन्सिलचे जनरल सेक्रेटरी शिवराज दाभाडे व सदस्यांनी परिश्रम घेतले.