डॉ. बेंडाळे महाविद्यालयात शिष्यवृत्ती वितरण सोहळा संपन्न
मालाबारच्या उपक्रमातून ३१ विद्यार्थिनींना लाभ
जळगाव : प्रतिनिधी मालाबार गोल्ड अँड डायमंड या संस्थेच्या सामाजिक उपक्रमांतर्गत शिष्यवृत्ती वितरण सोहळा डॉ. अण्णासाहेब जी. डी. बेंडाळे महिला महाविद्यालयात उत्साहात पार पडला. कार्यक्रमाच्या अध्यक्षस्थानी प्राचार्य डॉ. आर. के. नारखेडे होते.
दीपप्रज्वलनाने कार्यक्रमाची सुरुवात करण्यात आली. त्यानंतर संगीत विभागाच्या प्रा. ऐश्वर्या परदेशी यांनी महाविद्यालय गीत सादर केले. प्रमुख अतिथी प्रियंका पाटील यांनी विद्यार्थिनींना मार्गदर्शन करताना शिक्षणाचे महत्त्व अधोरेखित केले.
या उपक्रमांतर्गत महाविद्यालयातील विविध शाखांतील ३१ विद्यार्थिनींना शिष्यवृत्ती देण्यात आली. शिष्यवृत्तीधारक किरण बहारे व कामिनी पाटील यांनी मनोगत व्यक्त केले. प्राचार्य डॉ. नारखेडे यांनी शिष्यवृत्ती योजनेचे तसेच संस्थेच्या सामाजिक कार्याचे कौतुक केले.
यावेळी प्रा. शांताराम तायडे, डॉ. गणेश जेठवे व प्रा. उत्कर्ष पुण्यशील यांचा सत्कार करण्यात आला. व्यवस्थापक सुजीत नायर यांनी मनोगत व्यक्त केले. शिष्यवृत्ती प्रक्रियेसाठी माजी प्राचार्य डॉ. व्ही. जे. पाटील यांचे मार्गदर्शन लाभले.
प्रास्ताविक उपप्राचार्य डॉ. सत्यजित साळवे यांनी केले, तर सूत्रसंचालन प्रा. दीपक पवार व प्रा. ऐश्वर्या वाणी यांनी केले. कार्यक्रमाच्या यशस्वीतेसाठी विविध मान्यवरांनी सहकार्य केले.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
