अमळनेर स्थानकावर तिरुपती-हिसार एक्स्प्रेसला अधिकृत थांबा

अमळनेर स्थानकावर तिरुपती-हिसार एक्स्प्रेसला अधिकृत थांबा

खा. स्मिता वाघ यांच्या प्रयत्नांना यश

अमळनेर (प्रतिनिधी) : उत्तर महाराष्ट्रातील प्रवासी व भाविकांसाठी आनंदाची बातमी आहे. खासदार स्मिता वाघ यांच्या पाठपुराव्यामुळे तिरुपती ते हिसार (खाटू श्याम) एक्स्प्रेसला अखेर अमळनेर स्थानकावर अधिकृत थांबा मिळाला आहे. आज या गाडीचा अमळनेर येथे पहिल्यांदा थांबा होताच स्टेशनवर जल्लोष करण्यात आला.

गाडीचे आगमन होताच तिचे पुष्पहारांनी स्वागत करण्यात आले. यावेळी हिरवा झेंडा दाखवून रेल्वेगाडीला मार्गस्थ करण्यात आले. या सोहळ्याला डॉ. अनिल शिंदे, शहर मंडल अध्यक्ष योगेश महाजन, ग्रामीण मंडल अध्यक्ष राहुल पाटील, लालचंद सैनानी, हरचंद लांडगे, नीरज अग्रवाल, श्याम पाटील, प्रीतपालसिंग बग्गा, सरचिटणीस भरतसिंह परदेशी, महेश पाटील, सुभाष चौधरी, महेश संदनशिव तसेच स्टेशन मास्टर अनिल शिंदे आदी मान्यवर उपस्थित होते.

खा. स्मिता वाघ यांच्या प्रयत्नांना यश आल्याने अमळनेर शहर व परिसरातील नागरिकांत समाधान व्यक्त होत आहे. खाटू श्याम बाबांच्या दर्शनासाठी जाणाऱ्या भाविकांसह तिरुपतीला जाणाऱ्या यात्रेकरूंनाही या थांब्याचा लाभ होणार आहे. गाडीचे उत्स्फूर्त स्वागत करत उपस्थितांनी खासदार स्मिता वाघ यांचे आभार मानले.