तीन लाखांच्या केबल चोरीप्रकरणी दोन संशयित ताब्यात

तीन लाखांच्या केबल चोरीप्रकरणी दोन संशयित ताब्यात

चाळीसगाव : बोढरे शिवारातील जेबीएम सोलर प्लांटमधून सुमारे ३ लाख २० हजार रुपये किमतीची केबल चोरीप्रकरणी पोलिसांनी धुळे जिल्ह्यातील साक्री येथील दोन संशयितांना ताब्यात घेतले आहे.

या प्रकरणात अज्ञात चोरट्यांनी सोलर प्लांटमधील सुमारे ८ हजार मीटर लांबीची केबल वायर चोरून नेली होती. प्लांटची पाहणी करताना तांत्रिक बिघाड लक्षात आल्याने ही चोरी उघडकीस आली.

पोलिस तपासादरम्यान मच्छिद्र भटू जाधव (वय २६) व प्रविण रविंद्र जाधव (वय २४, दोघे रा. पेरेजपूर, ता. साक्री, जि. धुळे) यांना ताब्यात घेण्यात आले आहे. पुढील तपास पोलीस उपनिरीक्षक राहुल राजपूत करीत आहेत.