दापोऱ्यात अल्पवयीन मुलीचा तरुणीची छेड काढत चाकूहल्ला

दापोऱ्यात अल्पवयीन मुलीसह तरुणीची छेड काढत चाकूहल्ला

जळगाव :  रात्रीच्या वेळी रात्री दीड वाजण्याच्या सुमारास घराच्या गच्चीवर झोपलेल्या एका कुटुंबातील १९ वर्षीय आणि १७वर्षीय भाचीची छेड काढण्यात आली. ही घटना उघडकीस आल्यानंतर जाब विचारण्यासाठी गेलेल्या कुटुंबावर आरोपीने चाकूहल्ला करत एकाला गंभीर जखमी केले. या घटनेने परिसरात खळबळ उडाली आहे.

फिर्यादी  यांनी दिलेल्या माहितीनुसार, ते कुटुंबासह दापोरा येथील त्यांच्या राहत्या घरातील

गच्चीवर झोपले होते. त्यावेळी अचानक त्यांच्या भाचीने (१९ वर्षीय) आरडाओरडा केला. त्यामुळे सर्वजण जागे झाले असता, त्यांना आरोपी विनोद अरुण सोनवणे पळून जाताना दिसला. भाचीने सांगितले की, झोपेत असताना कोणीतरी तिच्या पायाला स्पर्श करत असल्याचे जाणवले. जाग आली असता विनोद सोनवणे तिच्या पायाजवळ उभा दिसल्याने ती घाबरून ओरडली.

या घटनेचा जाब विचारण्यासाठी लुबेश केदार, त्यांचा लहान भाऊ लंकेश आणि भाची आरोपी विनोद सोनवणेच्या

घरी गेले. त्यावेळी विनोदने त्यांना शिवीगाळ करत मारहाण केली.

कुटुं‌बातील इतर सदस्य घटनास्थळी पोहोचले असता, विनोदने घरातून चाकूसारखे धारदार हत्यार आणून  पोटावर आणि उजव्या खांद्यावर वार केले. हल्ल्यात लंकेश गंभीर जखमी झाला असून त्याला जळगाव येथील खासगी रुग्णालयात उपचारासाठी दाखल करण्यात आले आहे. आरोपी विनोद सोनवणे याच्या विरोधात गुन्हा दाखल करण्यात आला असून पोलीस अधिक तपास करत आहेत.