दुचाकीवरून पडल्याने महिलेचा मृत्यू ; खडकदेवळा गावाजवळील घटना

दुचाकीवरून पडल्याने महिलेचा मृत्यू ; खडकदेवळा गावाजवळील घटना

सारोळा गावात शोककळा

पाचोरा प्रतिनिधी ;- धावत्या मोटरसायकलवरून पडल्याने एक ३९ वर्षीय महिलेचामृत्यू झाल्याची घटना तालुक्यातील खडकदेवळा गावा जवळ १२ मार्च रोजी सकाळी ९:३० वाजता घडली. घटनेप्रकरणी पाचोरा पोलिस स्टेशनमध्ये अकस्मात मृत्यूची नोंद करण्यात आली आहे.

सरुबाई भिकन पाटील (वय – ३९ वर्ष) रा. सारोळा ता. पाचोरा असे मृत महिलेचे नाव आहे. पती भिकन पाटील यांचेसह सरुबाई पाटील ह्या छत्रपती संभाजी नगर येथे नातेवाईकांच्या भेटीसाठी गेल्या असता तेथून पार्ट येतांना १२ मार्च रोजी छत्रपती संभाजी नगर येथुन आपल्या सारोळा या गावी येत असतांनाच खडकदेवळा गावाजवळ रस्त्याच्या दुरवस्थेमुळे दुचाकीवर मागे बसलेल्या सरुबाई पाटील यांचा तोल गेल्याने त्या खाली पडून त्यांचा जागीच दुर्दैवी मृत्यू झाला. याबाबत पाचोरा पोलिस स्टेशनमध्ये अकस्मात मृत्यूची नोंद करण्यात आली आहे. तपास पोलिस निरीक्षक अशोक पवार यांच्या मार्गदर्शनाखाली पोलिस हवालदार विकास खरे हे करीत आहे. मयत सरुबाई पाटील यांचे पाश्चात्य पती, तीन विवाहित मुली, एक मुलगा असा परिवार आहे.