दुचाकी दुभाजकावर आदळल्याने १५ वर्षीय अल्पवयीनाचा मृत्यू; वरणगाव पोलिसात गुन्हा दाखल

दुचाकी दुभाजकावर आदळल्याने १५ वर्षीय अल्पवयीनाचा मृत्यू; वरणगाव पोलिसात गुन्हा दाखल

वरणगाव (ता. भुसावळ) – शहरातील १५ वर्षीय अल्पवयीन मुलगा चालवत असलेली दुचाकी दुभाजकावर आदळल्याने झालेल्या भीषण अपघातात त्याचा मृत्यू झाल्याची घटना २९ जुलै रोजी रात्री ८ वाजेच्या सुमारास घडली. या घटनेनंतर बुधवारी ३० जुलै रोजी रात्री वरणगाव पोलीस ठाण्यात गुन्हा दाखल करण्यात आला आहे.

या अपघातात मृत्यू झालेल्या मुलाचे नाव आदित्य शैलेद्र अहीरे (वय १५, रा. वरणगाव, ता. भुसावळ) असे आहे.

पोलिसांनी दिलेल्या माहितीनुसार, आदित्य अहीरे हा दुचाकी (क्र. एमएच १९ सीके २७२५) ने वरणगाव शहराच्या दिशेने जात असताना ऑर्डनन्स फॅक्टरीसमोर असलेल्या दुभाजकावर त्याची दुचाकी आदळली. या अपघातात तो गंभीर जखमी झाला होता. नागरिकांच्या मदतीने त्याला तातडीने रुग्णालयात दाखल करण्यात आले, मात्र उपचारांपूर्वीच वैद्यकीय अधिकाऱ्यांनी त्याला मृत घोषित केले.

या प्रकरणी वरणगाव पोलीस ठाण्यात गुन्हा दाखल करण्यात आला असून पुढील तपास पोलीस हेडकॉन्स्टेबल प्रेमचंद सपकाळे करीत आहेत.