दोन कारवायांत गावठी कट्ट्यांसह ८ काडतुसे जप्त; चौघांवर गुन्हे
जिल्हापेठ व एमआयडीसी पोलिसांची धडक कारवाई; दोघे अटकेत
जळगाव : शहर व परिसरात दहशत माजविण्याच्या उद्देशाने गावठी कट्टे बाळगणाऱ्या चौघांवर जिल्हापेठ व एमआयडीसी पोलिसांनी संयुक्त कारवाई करत मोठा मुद्देमाल जप्त केला आहे. या दोन स्वतंत्र कारवायांमध्ये पोलिसांनी दोन गावठी कट्टे, ८ जिवंत काडतुसे, दोन दुचाकी व मोबाईल असा मुद्देमाल हस्तगत केला असून दोन आरोपींना अटक करण्यात आली आहे.
पहिल्या कारवाईत, नाशिक येथील अक्षय आनंदा सैंदाणे (वय २९) हा जळगावात नातेवाईकांकडे आला असताना मध्यप्रदेशातून गावठी कट्टा आणल्याची माहिती पोलिसांना मिळाली होती. त्यानुसार २८ मार्च रोजी शासकीय आयटीआयच्या मागील परिसरात सापळा रचून जिल्हापेठ पोलिसांनी त्याला दुचाकीसह ताब्यात घेतले. त्याच्याकडून एक गावठी कट्टा, पाच जिवंत काडतुसे व दुचाकी जप्त करण्यात आली. याप्रकरणी त्याच्याविरुद्ध गुन्हा दाखल करून अटक करण्यात आली आहे.
दुसऱ्या कारवाईत, कुसुंबा शिवारात संशयित हालचाली करत असलेल्या तिघांना एमआयडीसी पोलिसांनी पकडले. दीपक ठकुबा गुंजाळ (वय २८), विठ्ठल रंगनाथ सोनवणे (वय २५, दोघे रा. सिल्लोड, छत्रपती संभाजीनगर) आणि अजय बिरजू गारुंगे (रा. कंजरवाडा) यांच्याकडून एक गावठी कट्टा, तीन जिवंत काडतुसे, दुचाकी व मोबाईल जप्त करण्यात आला. यातील दीपक गुंजाळ याला अटक करण्यात आली असून इतर आरोपींचा शोध सुरू आहे.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
