धारदार चॉपर-तलवार घेऊन दहशत माजविणारे तिघे जेरबंद

धारदार चॉपर-तलवार घेऊन दहशत माजविणारे तिघे जेरबंद

तालुका पोलिसांची कारवाई; शस्त्रे जप्त

जळगाव : प्रतिनिधी
शहरातील वाघनगर परिसरात धारदार चॉपर व तलवार घेऊन दहशत माजविणाऱ्या तिघांना तालुका पोलिसांनी ताब्यात घेतले असून त्यांच्या विरोधात गुन्हा दाखल करण्यात आला आहे. पोलिसांनी आरोपींकडून चॉपर व तलवार जप्त केली आहे.

मिळालेल्या माहितीनुसार, वाघनगर परिसरात अविनाश संजय झाडे, दुर्गेश राजू पाटील आणि ओम रामेश्वर पोकळकर (तिघेही रा. वाघनगर) हे दि. ४ रोजी सायंकाळच्या सुमारास तलवार व चॉपर घेऊन परिसरात फिरत नागरिकांमध्ये दहशत निर्माण करीत असल्याची माहिती पोलिसांना मिळाली. त्यानुसार तालुका पोलिसांनी तत्काळ कारवाई करत तिघांना ताब्यात घेतले.

चौकशीदरम्यान त्यांच्या ताब्यातून धारदार चॉपर व तलवार हस्तगत करण्यात आली. या प्रकरणी तिघांविरुद्ध तालुका पोलीस ठाण्यात गुन्हा दाखल करण्यात आला असून पुढील तपास पोलीस हेड कॉन्स्टेबल प्रवीण पाटील करीत आहेत.