नगराध्यक्षा भंगाळे-मंत्री महाजन यांच्या
भेटीने भुसावळच्या राजकारणात खळबळ
प्रतिनिधी I भुसावळ
शहराच्या राजकारणात अचानक नवे वळण दिसत आहे. राष्ट्रवादी काँग्रेसच्या नगराध्यक्षा गायत्री भंगाळे यांनी काही नगरसेवकांसह मंत्री गिरीश महाजन यांची जामनेर येथे भेट घेतल्याने भुसावळमधील राजकीय चर्चांना उधाण आले आहे. या भेटीत शहरातील विकासकामे, प्रलंबित योजना आणि निधीचा मुद्दा मांडला गेला. भुसावळसाठी विशेष निधी देण्याची मागणी करण्यात आली. मात्र, या भेटीमागे फक्त विकासाचा अजेंडा आहे की राजकीय समीकरणांमध्ये बदल होण्याची चाहूल आहे ?, याची शहरात चर्चा आहे.
राजकीय वर्तुळाचे विशेष लक्ष लागले आहे. विरोधकांचे मत आहे की, नगराध्यक्षा सत्ताधारी मंत्र्यांकडे गेल्याने भुसावळमधील राजकीय समीकरणांमध्ये बदल दिसून येऊ शकतो. दुसरीकडे, नगराध्यक्षांच्या समर्थकांचा दावा आहे की, ही भेट शहराच्या विकासासाठी आवश्यक होती निधी मिळवण्याचा प्रयत्न आहे. या भेटीमुळे शहरातील विकासकामांना गती मिळू शकते, राजकीय संतुलनातही हालचाल दिसण्याची शक्यता आहे. आगामी काळात या भेटीचे परिणाम भुसावळच्या राजकारणावर स्पष्ट दिसून येणार आहेत. कारण यापूर्वी गायत्री भंगाळे पालकमंत्री गुलाबराव पाटील यांचीही भेट घेतली होती . परंतु ना . गिरीष महाजन यांच्या भेटीने हालचाली होऊ शकतात असे अंदाज आहे .
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
