नशिराबाद बसस्थानक परिसरात तरुणाकडून दोन गावठी कट्टे जप्त

नशिराबाद बसस्थानक परिसरात तरुणाकडून दोन गावठी कट्टे जप्त

संशयास्पद हालचालीतून पोलिसांची कारवाई; आरोपी ताब्यात
जळगाव (प्रतिनिधी)नशिराबाद बसस्थानक परिसरात संशयास्पदरीत्या फिरणाऱ्या तरुणाकडून पोलिसांनी दोन गावठी कट्टे जप्त करत त्याला ताब्यात घेतले आहे. या कारवाईमुळे परिसरात खळबळ उडाली आहे.

चेतन सुर्यभान पाटील (वय १८, रा. वरची अळी, नशिराबाद) असे ताब्यात घेतलेल्या संशयिताचे नाव आहे. दि. २३ मार्च रोजी रात्री सुमारे आठ वाजेच्या सुमारास तो बसस्थानक परिसरात संशयास्पद हालचाली करताना आढळून आला. याची माहिती मिळताच नशिराबाद पोलिसांनी तत्काळ घटनास्थळी धाव घेत त्याला ताब्यात घेतले.

पोलिसांनी त्याची कसून झडती घेतली असता त्याच्याकडे दोन गावठी कट्टे आढळून आले. याप्रकरणी पोलीस अंमलदार भरत बाविस्कर यांनी दिलेल्या फिर्यादीवरून आरोपी चेतन पाटील याच्याविरुद्ध गुन्हा दाखल करण्यात आला आहे.
या प्रकरणाचा पुढील तपास पोलीस हवालदार प्रशांत विरणारे करत आहेत.