पक्ष्यांसाठी घरटे, पाण्याच्या परळांचे रोटरी क्लब जळगावतर्फे वितरण

पक्ष्यांसाठी घरटे, पाण्याच्या परळांचे रोटरी क्लब जळगावतर्फे वितरण

जळगाव : पर्यावरण संवर्धनाच्या दृष्टीने रोटरी क्लब जळगावतर्फे राबविण्यात आलेल्या पक्ष्यांसाठी घरटे व पिण्याच्या पाण्याच्या परळ वितरण उपक्रमास सदस्यांचा उत्स्फूर्त प्रतिसाद लाभला. रविवारी (५एप्रिल) झालेल्या कार्यक्रमात नोंदणी केलेल्या सदस्यांना घरटी व परळांचे वितरण करण्यात आले.

वाढत्या शहरीकरणामुळे पक्ष्यांना सुरक्षित घरटी बांधण्यासाठी जागा मिळणे कठीण होत चालले आहे. याच पार्श्वभूमीवर हा उपक्रम राबविण्यात आला असून, यामुळे पक्ष्यांना सुरक्षित निवारा मिळण्याबरोबरच त्यांच्या पिल्लांचा चिवचिवाट परिसरात अनुभवता येणार आहे. तसेच उन्हाळ्यातील तीव्र उष्णतेत पक्ष्यांसाठी पिण्याच्या पाण्याची सोय होऊन पर्यावरण संतुलन राखण्यास मदत होणार आहे. यावेळी अध्यक्ष

गिरीश कुळकर्णी यांनी या प्रकल्पाची उपयुक्तता अधोरेखित करत, “अशा छोट्या उपक्रमांमधून आपण निसर्गाशी नाते अधिक घट्ट करू शकतो,” असे प्रतिपादन केले. नॉन मेडीकल कमिटी चेअरमन संदीप शर्मा यांनी सदस्यांना या उपक्रमात सक्रिय सहभागी होण्याचे आवाहन केले. तर कॅप्टन मोहन कुलकर्णी यांनी, हे घरटे व परळ आपल्या मित्रपरिवारालाही भेट देण्यासाठी अत्यंत उपयुक्त असून, पर्यावरण संवर्धनाचा संदेश अधिक व्यापकपणे पोहोचविण्यास wins

मदत करणार असल्याचे मत व्यक्त केले. हा उपक्रम केवळ सदस्यांपुरता मर्यादित न राहता समाजामध्ये पर्यावरणाविषयी जागरूकता निर्माण करण्याचा रोटरी क्लबचा प्रयत्न असल्याचेही यावेळी सांगण्यात आले. अॅड. सागर चित्रे यांनी पत्रास घरटी घेऊन पर्यावरण जागृती संदेश देणार असल्याचे याप्रसंगी सांगितले. कार्यक्रमास मानद सचिव सुभाष अमळनेरकर, संजय दोशी, निलेश झोपे, उल्हास सुतार आदी उपस्थित होते.