पाचोरा येथे २ एप्रिलला पंडित दीनदयाल उपाध्याय रोजगार मेळावा

पाचोरा येथे २ एप्रिलला पंडित दीनदयाल उपाध्याय रोजगार मेळावा

आयटीआय परिसरात मुलाखती; विविध कंपन्यांचा सहभाग

जळगाव : जिल्हा कौशल्य विकास, रोजगार व उद्योजकता मार्गदर्शन केंद्र, जळगाव आणि शासकीय औद्योगिक प्रशिक्षण संस्था (आयटीआय) पाचोरा यांच्या संयुक्त विद्यमाने पंडित दीनदयाल उपाध्याय रोजगार व समुपदेशन मेळाव्याचे आयोजन दि. २ एप्रिल २०२६ रोजी सकाळी १० वाजता करण्यात आले आहे.

हा मेळावा शासकीय औद्योगिक प्रशिक्षण संस्था, सारोळा रोड, पाचोरा येथे होणार असून, स्पेक्ट्रम इलेक्ट्रिकल, युवा शक्ती फाउंडेशन तसेच भारद्वाज नेटवर्क सोल्यूशन प्रा. लि. यांसारख्या नामांकित कंपन्यांचे प्रतिनिधी उपस्थित राहून उमेदवारांच्या थेट मुलाखती घेणार आहेत.
या मेळाव्यात १० वी, १२ वी तसेच बी.कॉम., एम.कॉम.सारख्या पदवीधर पात्रतेचे उमेदवार सहभागी होऊ शकतात. इच्छुकांनी https://rojgar.mahaswayam.gov.in⁠� या संकेतस्थळावर आपल्या युजर आयडी व पासवर्डच्या सहाय्याने संबंधित रिक्त पदांसाठी अर्ज करावा. तसेच ज्यांनी अद्याप नोंदणी केलेली नाही, त्यांनी सर्व शैक्षणिक कागदपत्रांसह थेट मेळाव्यात उपस्थित राहण्याचे आवाहन करण्यात आले आहे.

अधिक माहितीसाठी उमेदवारांनी जिल्हा कौशल्य विकास, रोजगार व उद्योजकता मार्गदर्शन केंद्र, जी.एस. ग्राउंड परिसर, जळगाव येथे कार्यालयीन वेळेत भेट द्यावी किंवा ०२५७-२९५९७९० या दूरध्वनी क्रमांकावर संपर्क साधावा, असे आवाहन सहायक आयुक्त संदीप गायकवाड यांनी केले आहे.