पाचोऱ्यात वृद्ध महिलेची मंगलपोत लंपास

पाचोऱ्यात वृद्ध महिलेची मंगलपोत लंपास

पाचोरा प्रतिनिधी

शहरातील पोलिस लाईन समोरुन पल्सर मोटरसायकलवरुन आलेल्या दोन अज्ञात चोरट्यांनी महिलेच्या गळ्यातील साडेतीन तोड्याचे मंगळसूत्र ओरबाडून नेल्याची घटना घडली आहे. घटनेप्रकरणी महिलेच्या फिर्यादीवरून अज्ञात चोरट्यांविरुद्ध गुन्हा नोंदविण्यात आला आहे.

पदमा अनिल बाहेती (वय – ६५ वर्ष) रा. प्लाॅट नं. ११, व्ही. आय. पी. काॅलनी, पाचोरा ह्या पती अनिल बाहेती यांचेसह १५ आॅक्टोबर रोजी सायंकाळी ६ वाजेच्या सुमारास शहरातील पोलिस लाईन समोरील सुलाई माता प्रोव्हीजन दुकानासमोर दिवाळीचे फराळ घेण्यासाठी थांबलेल्या असतांना अचानक दुचाकीवरून आलेल्या आणि तोंडाला मास्क लावलेल्या दोघांपैकी एकाने पद्मा बहेती यांच्या गळ्यातील १ लाख ७५ हजार रुपये किमतीचे साडेतीन तोळे वजनाचे सोन्याचे मंगळसूत्र लांबवून पोबारा केला . आरडाओरडा केला असता उपयोग झाला नाही.

पदमा बाहेती यांनी पाचोरा पोलिस स्टेशन गाठत अज्ञात चोरट्यांविरुद्ध गुन्हा नोंदविला आहे. घटनेचा पुढील तपास पो. नि. राहुलकुमार पवार यांच्या मार्गदर्शनाखाली सहाय्यक पोलिस निरीक्षक संजय निकम हे करीत आहेत.