पाडळसे शिवमहापुराण कथेत; दागिने-मोबाईल लंपास

पाडळसे शिवमहापुराण कथेत; दागिने-मोबाईल लंपास

भुसावळ : भुसावळ तालुक्यातील पाडळसे-

अकलूद शिवारात आंतरराष्ट्रीय ख्यातीचे कथाकार पंडित प्रदीपजी मिश्रा यांच्या मुखातून सुरू असलेल्या श्री शिवमहापुराण कथेसाठी दररोज लाखो भाविकांची गर्दी उसळत आहे. भक्ती, श्रद्धा आणि आध्यात्मिकतेने भारलेल्या या वातावरणात मात्र चोरट्यांनी डोके वर काढले असून, पहिल्याच दोन दिवसांत अनेक भाविकांचे सोन्याचे दागिने आणि महागडे मोबाईल चोरीला गेल्याच्या तक्रारी समोर आल्याने खळबळ उडाली आहे.

कथास्थळी प्रवेशद्वारावर तसेच महाप्रसादाच्या वेळी होणाऱ्या प्रचंड गर्दीत चोरट्यांच्या टोळ्या सक्रिय असल्याचे दिसून येत आहे. विशेषतः महिला भाविकांच्या गळ्यातील मंगळसूत्र व चैन कटरच्या

लाखोंच्या गर्दीचा फायदा घेत टोळ्या सक्रिय; सुरक्षा व्यवस्थेवर प्रश्नचिन्ह

साहाय्याने क्षणार्धात कापून नेण्याच्या घटना घडत असल्याची माहिती समोर आली आहे. काही भाविकांचे मोबाईलही गर्दीतून लंपास करण्यात आले आहेत. विशेष म्हणजे या टोळ्यांमध्ये महिलांचाही समावेश असण्याची शक्यता व्यक्त केली जात आहे. लाखोंच्या गर्दीमुळे संपूर्ण परिसरावर नियंत्रण ठेवणे पोलिसांसाठी मोठे आव्हान ठरत आहे. कथास्थळाचे विस्तीर्ण मैदान आणि अपुरे सीसीटीव्ही कॅमेरे यामुळे चोरट्यांचा माग काढणे कठीण जात असल्याचे सांगितले जात आहे. त्यामुळे पोलिसांच्या सुरक्षा व्यवस्थेवरही प्रश्नचिन्ह उपस्थित होत आहे.