पालकमंत्री गुलाबराव पाटील यांचे स्वीय सहाय्यक नवलसिंग पाटील यांनी घेतली पायलट प्रियांत पोसवाल यांची सदिच्छा भेट

पालकमंत्री गुलाबराव पाटील यांचे स्वीय सहाय्यक नवलसिंग पाटील यांनी घेतली पायलट प्रियांत पोसवाल यांची सदिच्छा भेट

जळगाव | प्रतिनिधी

महाराष्ट्र राज्याचे पाणीपुरवठा व स्वच्छता मंत्री व जळगाव जिल्ह्याचे पालकमंत्री गुलाबराव पाटील यांचे स्वीय सहाय्यक नवलसिंग राजे पाटील यांनी अलीकडेच जळगाव विमानतळावर कार्यरत असलेले जेट सर्व्हिस एव्हिएशन या खाजगी विमान कंपनीतील पायलट प्रियांत पोसवाल यांची सदिच्छा भेट घेतली.

प्रियांत पोसवाल हे सध्या दिल्ली एनसीआरमधील फरीदाबाद येथील ओमॅक्स फॉरेस्ट स्पा येथे कार्यरत  असून ते विविध महत्त्वाच्या व्यक्तींच्या खाजगी विमान प्रवासाचे संचालन करत आहेत. सदिच्छा भेटीदरम्यान दोघांमध्ये विमानसेवा, नागरी उड्डाणातील वाढत्या संधी, तसेच जळगावसारख्या शहरांतील विमानतळांच्या विकासाविषयी सविस्तर चर्चा झाली.

नवलसिंग पाटील यांनी प्रियांत पोसवाल यांचे कौतुक करत त्यांच्या प्रगतीसाठी शुभेच्छा दिल्या. तसेच भविष्यात जळगाव विमानतळाच्या माध्यमातून नागरी उड्डाण क्षेत्रात आणखी सुधारणा होण्यासाठी सहकार्य करण्याची इच्छाही व्यक्त केली.

या भेटीदरम्यान जिल्ह्याच्या सर्वांगीण विकासाच्या दृष्टीने विमान सेवा आणि व्यावसायिक नेटवर्क वाढविण्याच्या संधींबाबत सकारात्मक चर्चा झाल्याची माहितीही यावेळी देण्यात आली.