पालकमंत्र्यांचे स्वीय सहाय्यक नवलसिंग राजे पाटील यांच्या हस्ते डॉ. विरेंद्र पाटील यांचा सत्कार

पालकमंत्र्यांचे स्वीय सहाय्यक नवलसिंग राजे पाटील यांच्या हस्ते डॉ. विरेंद्र पाटील यांचा सत्कार
जळगाव प्रतिनिधी

पाणीपुरवठा व स्वच्छता विभागाचे मंत्री आणि जळगाव जिल्ह्याचे पालकपद भूषवणारे गुलाबराव पाटील यांचे स्वीय सहाय्यक नवलसिंग राजे पाटील यांच्या हस्ते डॉ. विरेंद्र पाटील यांचा नुकताच सत्कार करण्यात आला.

डॉ. विरेंद्र पाटील हे मूळचे तावसे बुद्रुक येथील असून, सध्या नाशिक येथे स्थायिक आहेत. त्यांनी आपले एमबीबीएस शिक्षण मुंबईतील नायर हॉस्पिटलमध्ये पूर्ण केले असून, पुढे नागपूरच्या लता मंगेशकर हॉस्पिटलमधून एम.एस. ऑर्थोपेडिक ही पदव्युत्तर वैद्यकीय पदवी मिळवली आहे. ग्रामीण पार्श्वभूमीतून येत असूनही त्यांनी वैद्यकीय क्षेत्रात उल्लेखनीय प्रगती साधली आहे.

या गौरव सोहळ्यावेळी दोडे गुर्जर संस्थानचे अध्यक्ष चंद्रशेखर पाटील, कवी प्रफुल वडनगरीकर, राकेश पाटील (आव्हाणे) यांची उपस्थिती होती. डॉ. पाटील यांच्या यशस्वी वाटचालीसाठी उपस्थित मान्यवरांनी शुभेच्छा दिल्या व त्यांच्या कार्यास प्रोत्साहन दिले.

डॉ. विरेंद्र पाटील यांनीही आपल्या भावना व्यक्त करत शिक्षणप्रवासातील अनुभव शेअर केले. त्यांनी समाजातील गरजू रुग्णांसाठी योगदान देण्याचा संकल्पही या वेळी व्यक्त केला.

सत्कार कार्यक्रमाने प्रेरणादायी वातावरण निर्माण झाले असून, युवकांसाठी डॉ. पाटील यांचा प्रवास एक आदर्श ठरतो आहे.