पुण्याला मुलाकडे गेलेल्या दाम्पत्याच्या घरात चोरी; ३२ हजारांचा ऐवज लंपास
जळगाव : पती-पत्नी पुणे येथे मुलाकडे गेलेले असताना त्यांच्या घरात घुसून चोरट्यांनी रोख रक्कम व सोन्याच्या अंगठ्यांसह ३२ हजार रुपयांचा ऐवज लंपास केल्याची घटना बळीराम पेठ परिसरात २९ मार्च रोजी घडली. या प्रकरणी शहर पोलिस ठाण्यात अज्ञात चोरट्यांविरुद्ध गुन्हा दाखल करण्यात आला आहे.
मिळालेल्या माहितीनुसार, बळीराम पेठ येथील रहिवासी डॉ. अजिजुल्ला इस्माईल शेख (वय ६२) व त्यांच्या पत्नी २६ मार्च रोजी पुणे येथे मुलाकडे गेले होते. याच काळात चोरट्यांनी घराच्या दरवाजाचा कडीकोयंडा व कुलूप तोडून घरात प्रवेश केला. घरातून २८ हजार ५०० रुपये रोख व सुमारे ३ हजार ५०० रुपये किमतीच्या सोन्याच्या अंगठ्या असा एकूण ३२ हजार रुपयांचा ऐवज चोरून नेण्यात आला.
२९ मार्च रोजी डॉ. शेख घरी परतल्यानंतर चोरीचा प्रकार उघडकीस आला. त्यानंतर ३१ मार्च रोजी त्यांनी शहर पोलिस ठाण्यात फिर्याद दिली. त्यावरून अज्ञात चोरट्यांविरुद्ध गुन्हा दाखल करण्यात आला असून पुढील तपास पोहेकॉ वीरेंद्र शिंदे करीत आहेत.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
