बहाळ येथे १२१९ लाभार्थ्यांना लाभाचे वाटप

बहाळ येथे १२१९ लाभार्थ्यांना लाभाचे वाटप

प्रतिनिधी I चाळीसगाव
तालुक्यातील बहाळ येथील संत सावता महाराज मंगल कार्यालयात १४ मार्चला छत्रपती शिवाजी महाराज महाराजस्व समाधान शिबिर आयोजित करण्यात आले या शिबिराला ग्रामस्थांचा उत्स्फूर्त प्रतिसाद लाभला.

कार्यक्रमाचे उद्घाटन आ. मंगेश चव्हाण यांच्या हस्ते करण्यात आले. छत्रपती शिवाजी महाराज, महात्मा ज्योतिबा फुले आणि सावित्रीताई फुले यांच्या प्रतिमांचे पूजन करण्यात आले. आ. चव्हाण यांनी प्रशासकीय स्टॉलची पाहणी करुना अधिकाऱ्यांना लोकाभिमुख सेवा करण्याबाबत मार्गदर्शन केले.

या शिबिरात दाखले, शिधापत्रिका, दुरुस्त सातबारे, पीएम आवास योजना, कृषी पुरस्कार, आरोग्य तपासणी तसेच इतर विभागांचे १ हजार २१९ लाभार्थीना थेट लाभ वितरित करण्यात आले. जिल्हा परिषदेच्या कृषी विभागाद्वारे उपखेड येथील प्रमोद मगर यांना आदर्श शेतकरी पुरस्कारही प्रदान करण्यात आला. या प्रसंगी उपविभागीय अधिकारी, तहसीलदार, गट विकास अधिकारी, तालुका कृषी अधिकारी, ग्रामपंचायतीचे सरपंच, उपसरपंच व सदस्य, सर्व ग्राम महसूल अधिकारी व महसूल सेवक उपस्थित होते. त्याच ठिकाणी आरोग्य विभागाद्वारे मोफत आरोग्य तपासणी शिबिरही आयोजित करण्यात आले होते .
=======================