बेपत्ता तरूणाचा विहिरीत आढळला मृतदेह

बेपत्ता तरूणाचा विहिरीत आढळला मृतदेह
चिंचोली येथील घटना

यावल प्रतिनिधि

तालुक्यातील चिंचोली येथून गेल्या चार दिवसांपासून बेपत्ता झालेल्या एका ४३ वर्षीय तरूणाचा मृतदेह गावालगत असलेल्या महाविद्यालयाच्या पाठीमागील शेत विहिरीत आढळला आहे. हा तरुण गेल्या चार दिवसापासून आपल्या घरातून बेपत्ता होता. रविवारी सकाळी त्याचा विहिरीत मृतदेह आढळून आला. या बाबत यावल पोलिसांना माहिती देण्यात आली. तर याप्रकरणी यावल पोलिसांनी आकस्मात मृत्यूची नोंद करण्यात आली आहे.

चिंचोली ता. यावल या गावातील रहिवाशी बाळू उर्फ गौरव धोंडू कोळी (वय ४३) हा तरूण दिनांक १२ मार्चपासून आपल्या घरातून बेपत्ता होता. तेव्हा पासून त्याचा सर्वत्र शोध घेणे सुरू होते. दरम्यान या तरुणाचा मृतदेह चिंचोली गावालगत असलेल्या महाविद्यालयाच्या मागील गोकुळ पाटील यांच्या शेत विहिरीत आढळून आला. रविवारी सदर मृतदेह विहिरीत दिसून आल्यानंतर यावल पोलिसांना माहिती देण्यात आली तर या प्रकरणी यावल पोलिस ठाण्यात अकस्मात मृत्यूची नोंद करण्यात आली आहे.