भडगाव येथे कामदा एकादशीला भव्य श्रीरामरथोत्सव

भडगाव येथे कामदा एकादशीला भव्य श्रीरामरथोत्सव

भडगाव (प्रतिनिधी)

भडगाव शहराला ३५० वर्षांची परंपरा असलेल्या प्रभू श्रीरामांचा रथोत्सव २९ मार्च (कामदा एकादशी) या दिवशी भव्य दिव्य असा रथ उत्सव निघणार आहे. याबाबत श्रीराम मंदिर येथे
नियोजन बैठक पार पडली. या बैठकीत प्रभू श्रीरामांचा रथ उत्सव चांगल्या उत्साहात निघणार असून पंचक्रोशीतील व जिल्हाभरातील श्रीराम भक्तांनी उपस्थित राहण्याचे आवाहन यावेळी करण्यात आले. कामदा एकादशीच्या दिवशी निघणारा रथावर प्रभू श्रीराम, सीतामाता, लक्ष्मण भैया, यांच्यासह
अर्जुन, भालदार चोपदार, दोन घोडे, अहिरम बहिरम, बजरंगबली, रथाच्या मागे दोन माकडे व सजवलेला रथ सवाद्य निघणार आहे. ही मिरवणूक दुपारी ४ वाजता भडगाव शहरातील रथ मार्गे निघणार आहे. सर्व भाविकांनी उपस्थित राहण्याचे आवाहन करण्यात आले आहे.