भरधाव ट्रॅक्टरची धडक; दुचाकीवरील दोघ गंभीर जखमी
धामणगावजवळील अपघात; ट्रॅक्टर चालकाविरुद्ध गुन्हा दाखल
जळगाव : मित्रासोबत दुचाकीने प्रवास करत असताना समोरून भरधाव वेगाने आलेल्या ट्रॅक्टरने दिलेल्या जोरदार धडकेत दोघ दुचाकीस्वार गंभीर जखमी झाल्याची घटना जळगाव-विदगाव रस्त्यावरील धामणगावजवळ घडली.
या अपघातात शेंदुर्णी (ता. जामनेर) येथील कुंदन अजय गुजर व त्यांचा मित्र गोमा कुंभार हे दोघ गंभीर जखमी झाले. ही घटना दि. ९ एप्रिल रोजी सायंकाळी सुमारे साडेपाच वाजेच्या सुमारास घडली.
मिळालेल्या माहितीनुसार, कुंदन गुजर हे त्यांच्या मित्रासह (एमएच १३ ईटी ९२२१) क्रमांकाच्या दुचाकीने जळगाव ते विदगाव मार्गे जात होते. त्यावेळी समोरून (एमएच १९ सी ७५३८) क्रमांकाचा ट्रॅक्टर भरधाव वेगाने येत त्यांच्या दुचाकीला जोरदार धडक दिली. या धडकेत दोघही रस्त्यावर कोसळून गंभीर जखमी झाले.
अपघातानंतर दोघांनी उपचार घेतल्यानंतर दि. ११ एप्रिल रोजी तालुका पोलीस ठाण्यात तक्रार दाखल केली. त्यानुसार संबंधित ट्रॅक्टर चालकाविरुद्ध गुन्हा दाखल करण्यात आला असून पुढील तपास पोलीस नाईक सोपान पाटील करीत आहेत.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
