भरधाव दुचाकीची धडक; दोघे दुचाकीस्वार गंभीर जखमी

भरधाव दुचाकीची धडक; दोघे दुचाकीस्वार गंभीर जखमी

जळगाव (प्रतिनिधी): भुसावळ नॅशनल हायवेवरील चांडक हॉस्पिटलसमोर भरधाव दुचाकीने धडक दिल्याने दोन दुचाकीस्वार गंभीर जखमी झाले. ही घटना बुधवारी घडली असून, याप्रकरणी धडक देणाऱ्या दुचाकीस्वाराविरुद्ध एमआयडीसी पोलिस ठाण्यात गुन्हा दाखल करण्यात आला आहे.

तांबापुरा परिसरातील कामील शहा रहीम शहा (वय ३०) हे त्यांच्या (एमएच १९ डीवाय ६४६३) क्रमांकाच्या दुचाकीवरून मित्रासोबत भुसावळ नॅशनल हायवेवरून जात होते. दरम्यान, (युपी १७ एच ११६९) क्रमांकाच्या भरधाव दुचाकीने त्यांना जोरदार धडक दिली.

या अपघातात कामील शहा आणि त्यांचा मित्र गंभीर जखमी झाले असून त्यांच्या दुचाकीचेही नुकसान झाले आहे. जखमींना उपचारासाठी रुग्णालयात दाखल करण्यात आले आहे.

अपघातानंतर कामील शहा यांनी एमआयडीसी पोलीस ठाण्यात तक्रार दाखल केली असून, पोलीस नाईक गणेश वंजारी या प्रकरणाचा तपास करीत आहेत.