जळगाव : शिवाजीनगर उड्डाणपुलाजवळ भरधाव रिक्षाच्या धडकेत दुचाकीस्वार सम्राट सुरेश सोनवणे (वय ३०, रा. सोपाननगर) हे गंभीर जखमी झाल्याची घटना दि. २० सप्टेंबर रोजी रात्री सव्वा नऊ वाजता घडली. याप्रकरणी रिक्षाचालकाविरुद्ध शहर पोलिस ठाण्यात गुन्हा दाखल करण्यात आला आहे.
सम्राट सोनवणे हे त्या रात्री बाजार करून घरी परतत असताना टॉवर चौकातून वेगाने येणाऱ्या रिक्षाने त्यांना जोरदार धडक दिली. अपघातात त्यांच्या कपाळावर, हातावर व पायावर गंभीर दुखापत झाली असून दुचाकी व मोबाईलचेही नुकसान झाले आहे.
या घटनेनंतर तातडीने उपचारासाठी सोनवणे यांना रुग्णालयात दाखल करण्यात आले. रिक्षाचालकाविरुद्ध गुन्हा दाखल करण्यात आला असून पुढील तपास पोना किरण ठाकरे करत आहेत.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
