भाजप स्थापना दिनानिमित्त जळगावात विविध कार्यक्रम
४६ जेष्ठ कार्यकर्त्यांचा सन्मान; ध्वजारोहणाने उत्सवाची सुरुवात
जळगाव : भारतीय जनता पक्षाच्या स्थापना दिनानिमित्त जळगावातील पक्ष कार्यालयात विविध कार्यक्रमांचे आयोजन करण्यात आले. सकाळी ध्वजारोहणाने कार्यक्रमाची सुरुवात झाली, तर पक्षासाठी आयुष्यभर योगदान देणाऱ्या जेष्ठ कार्यकर्त्यांचा विशेष सन्मान करण्यात आला.
स्थापना दिनाच्या निमित्ताने पक्षाशी एकनिष्ठ राहून दीर्घकाळ कार्य करणाऱ्या तब्बल ४६ जेष्ठ कार्यकर्त्यांचा सत्कार करण्यात आला. यावेळी जनसंघाचे जुने चिन्ह असलेले “दीपक” आणि स्मृतिचिन्ह देऊन त्यांना गौरविण्यात आले.
या कार्यक्रमाला आमदार राजू मामा भोळे, खासदार स्मिताताई वाघ, भाजपा महानगर जिल्हाध्यक्ष दीपक सूर्यवंशी, महापौर दीपमाला काळे, विशाल त्रिपाठी, उदय भालेराव यांच्यासह अनेक नगरसेवक व कार्यकर्ते मोठ्या संख्येने उपस्थित होते. कार्यक्रमात जेष्ठ कार्यकर्त्यांच्या योगदानाची उजळणी करत त्यांच्या कार्याबद्दल कृतज्ञता व्यक्त करण्यात आली.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
