मध्यपूर्वेतील युद्धजन्य परिस्थितीमुळे भारतीय दूतावासांचा ‘हाय अलर्ट’; नागरिकांसाठी महत्त्वाची सुरक्षा नियमावली जारी

मध्यपूर्वेतील युद्धजन्य परिस्थितीमुळे भारतीय दूतावासांचा ‘हाय अलर्ट’; नागरिकांसाठी महत्त्वाची सुरक्षा नियमावली जारी

​पॅलेस्टाईन, इस्रायलसह ११ देशांतील भारतीयांना सतर्कतेचे आदेश; मदतीसाठी महाराष्ट्र सरकार व दूतावासांकडून २४x७ हेल्पलाईन कार्यान्वित

​मुंबई | प्रतिनिधी
मध्यपूर्व आशियातील काही देशांमध्ये निर्माण झालेल्या अत्यंत तणावपूर्ण आणि अस्थिर प्रादेशिक परिस्थितीच्या पार्श्वभूमीवर, भारत सरकारने तेथील भारतीय नागरिकांच्या सुरक्षेसाठी ‘सुरक्षा ॲडव्हायझरी’ (Security Advisory) जारी केली आहे. पॅलेस्टाईन, इस्रायल, इराण आणि सौदी अरेबियासह प्रमुख ११ देशांमध्ये वास्तव्यास असलेल्या भारतीयांनी कमालीची सतर्कता बाळगावी, असे आवाहन परराष्ट्र मंत्रालयाने केले आहे. या गंभीर परिस्थितीवर केंद्र सरकारसह महाराष्ट्र शासनही बारीक लक्ष ठेवून असून, परदेशातील मराठी नागरिकांनी शांतता व संयम राखावा, अशी विनंती प्रशासनाकडून करण्यात आली आहे.
​भारत सरकारच्या संबंधित दूतावासांनी दिलेल्या सूचनेनुसार, पॅलेस्टाईन (रामल्ला), कतार (दोहा), सौदी अरेबिया (रियाध), इस्रायल (तेल अवीव), इराण (तेहरान), इराक (बगदाद), कुवैत, बाहरीन, मस्कत, जॉर्डन आणि संयुक्त अरब अमिरात (अबू धाबी) या देशांतील भारतीयांना अनावश्यक हालचाल टाळण्याचे सांगण्यात आले आहे. तेथील स्थानिक प्रशासन आणि भारतीय दूतावासांनी वेळोवेळी दिलेल्या मार्गदर्शक सूचनांचे तंतोतंत पालन करणे आवश्यक आहे. युद्धाच्या सावटाखाली असलेल्या या भागांतील परिस्थिती अत्यंत वेगाने बदलत असल्याने, भारतीय नागरिकांनी कोणत्याही परिस्थितीत घाबरून न जाता अधिकृत सूत्रांवरच विश्वास ठेवावा, असे स्पष्ट करण्यात आले आहे.
​महाराष्ट्र शासनाने या संदर्भात विशेष तत्परता दर्शवली असून, राज्याचे नागरिक जे शिक्षणासाठी किंवा नोकरीनिमित्त या देशांमध्ये स्थायिक आहेत, त्यांच्या सुरक्षिततेबाबत केंद्र सरकार आणि संबंधित दूतावासांशी सतत समन्वय राखला जात आहे. आपत्कालीन परिस्थिती उद्भवल्यास मदतीसाठी प्रत्येक देशातील भारतीय दूतावासाने २४x७ हेल्पलाईन क्रमांक आणि ईमेल पत्ता जारी केला आहे.

आपत्कालीन संपर्क तपशील
रामल्ला (पॅलेस्टाईन)
फोन : +970592916418
ईमेल : repoffice@mea.gov.in / cons.ramallah@mea.gov.in
दोहा (कतार)
फोन : 00974-55647502
ईमेल : cons.doha@mea.gov.in
रियाध (सौदी अरेबिया)
फोन : 00-966-11-4884697
WhatsApp : 00-966-542126748
टोल फ्री : 800 247 1234
ईमेल : cw.riyadh@mea.gov.in
तेल अवीव (इस्रायल)
फोन : +972-54-7520711 / +972-54-2428378
ईमेल : cons1.telaviv@mea.gov.in
तेहरान (इराण)
फोन : +989128109115 / +989128109109 / +989128109102 / +989932179359
अबू धाबी (संयुक्त अरब अमिरात)
टोल फ्री : 800-46342
WhatsApp : +971543090571
ईमेल : pbsk.dubai@mea.gov.in / ca.abudhabi@mea.gov.in
कुवैत
फोन : +96565501946
ईमेल : community.kuwait@mea.gov.in
बाहरीन
फोन : 00973-39418071
मस्कत (ओमान)
टोल फ्री : 80071234
WhatsApp : +96898282270
ईमेल : cw.muscat@mea.gov.in / cons.muscat@mea.gov.in
जॉर्डन
फोन : 00962-770 422 276
बगदाद (इराक)
फोन : +964 771 651 1185 / +964 770444 4899
वेबसाइट : eoibaghdad.gov.in
ईमेल : cons.baghdad@mea.gov.in / cons1.baghdad@mea.gov.in / pol.baghdad@mea.gov.in