महाजेनकोतील सहा अधिकाऱ्यांच्या बदल्या

महाजेनकोतील सहा अधिकाऱ्यांच्या बदल्या

प्रतिनिधी I भुसावळ

राज्यातील वीज निर्मिती क्षेत्रात महत्त्वाची भूमिका बजावणाऱ्या महाराष्ट्र राज्य विद्युत निर्मिती कंपनी लिमिटेड (महाजेनको) मध्ये वरिष्ठ अधिकाऱ्यांच्या बदल्यांनी मोठा फेरबदल करण्यात आला आहे. प्रशासकीय कारणास्तव जारी आदेश क्रमांक २८२४ नुसार मुख्य अभियंता व उपमुख्य अभियंता स्तरावरील अधिकाऱ्यांची विविध प्रकल्पांमध्ये पुनर्नियुक्ती करण्यात आली आहे. या बदल्यांमुळे कोराडी, खापरखेडा, भुसावळ तसेच मुंबई मुख्यालयातील महत्त्वाच्या पदांवर नवी जबाबदारी देण्यात आली असून, प्रकल्प व्यवस्थापनात गतिमानतेची शक्यता आहे.

महत्त्वाच्या बदल्या – राजेश मोराळे (टीपीएस भुसावळ येथून कोराडी ट्रेनिंग सेंटर) , विराज चौधरी (मुंबई मुख्यालय येथून टि पी एस भुसावळचे मुख्य अभियंता ) , विलास मोतघरे ( टिपीएस कोराडी येथून कोराडी प्रोजेक्ट ) , विवेक रोकडे (कोराडी प्रोजेक्ट येथून टीपीएस खापरखेडाचे अतिरिक्त प्रभारी मुख्य अभियंता) , गिरीश कुमारवार ( टिपी एस खापरखेडा येथून मुंबई मुख्यालयाचे अतिरिक्त प्रभारी संचालक) , सुधीर राणे ( टिपीएस कोराडी येथेच अतिरिक्त प्रभारी मुख्य अभियंता )

महाजेनकोने या  अधिकाऱ्यांना तात्काळ नवीन ठिकाणी कार्यभार स्वीकारण्याचे निर्देश दिले आहेत. महाजेनकोकडून वेळोवेळी अशा प्रशासकीय बदल्या करून प्रकल्पांमध्ये कुशल मनुष्यबळाचे नियोजन केले जाते. या नव्या फेरबदलामुळे वीज निर्मिती प्रकल्पांच्या कार्यक्षमतेत आणि निर्णय प्रक्रियेत वेग येण्याची अपेक्षा आहे.