मारहाणीत मृत्यूप्रकरणी अटकेतील संशयितांची कारागृहात रवानगी

मारहाणीत मृत्यूप्रकरणी अटकेतील संशयितांची कारागृहात रवानगी

जळगाव : तीन वर्षीय बालकास पळवून नेण्याच्या संशयावरून करण्यात आलेल्या मारहाणीत अनोळखी तरुणाच्या मृत्यूप्रकरणात अटकेतील सहा जणांना न्यायालयीन कोठडी सुनावण्यात येऊन त्यांची कारागृहात रवानगी करण्यात आली.

तालुक्यातील आव्हाणे शिवारातील लक्ष्मी जिनिंगजवळून तीन वर्षीय बालकास पळवून नेत असल्याच्या संशयावरून जमावाने मारहाण केल्याने अनोळखीचा मृत्यू झाल्याची घटना दि. २४ फेब्रुवारी रोजी घडली होती. या प्रकरणात अटक केलेले मनोहर सोनवणे, अजय कोळी, प्रशांत सोनवणे, अजय सोनवणे, अफताब खाटीक, कपिल चौधरी यांची दि. २ मार्च रोजी पोलिस कोठडी संपली. त्यांना न्यायालयात हजर केले असता न्यायालयीन कोठडी सुनवाण्यात आली.