मिल्लत हायस्कूलमध्ये गणिताशी मैत्री, मनोरंजक मॉडेल प्रदर्शनाचे आयोजन

जळगाव : गणितासारख्या कोरड्या  आणि कंटाळवाण्या विषयाचे मनोरंजक पद्धतीने स्पष्टीकरण दिले तर विद्यार्थ्यांना हा विषय आवडेल. यासाठी मिल्लत हायस्कूल मेहरूण जळगाव येथे इयत्ता ५ वी ते ८ वी च्या अभ्यासक्रम आधारित गणित मॉडेल प्रदर्शनाचे आयोजन करण्यात आले होते. ज्यामध्ये एकूण ७० मॉडेल्सद्वारे बेरीज, खर्च, नफा, तोटा, वर्ग, घन, अंक इत्यादी सादर करण्यात आले होते. हे मॉडेल्स विद्यार्थ्यांनी स्वतः त्यांच्या गणित शिक्षकांच्या मार्गदर्शनाखाली बनवले होते. प्रदर्शनाच्या उद्घाटन कार्यक्रमाचे अध्यक्ष मिल्लत एज्युकेशनल अँड वेलफेअर सोसायटी जळगावचे अध्यक्ष मुहम्मद रफिक शाह होते, तर शहरातील प्रसिद्ध एस.एस.बी.टी. अभियांत्रिकी महाविद्यालयाचे गणित विभागाचे प्राध्यापक मुजताहिद अन्सारी विशेष पाहुणे म्हणून उपस्थित होते. यावेळी मिल्लत सोसायटीचे सचिव फरीद शेख सर, कोषाध्यक्ष शेख अयाजुद्दीन सर आणि अब्दुल कय्युम शाह सर उपस्थित होते. विद्यार्थ्यांच्या पालकांना प्रदर्शनातील मॉडेल्स आणि गणित समजून घेण्यासाठी विशेष आमंत्रित करण्यात आले होते जेणेकरून ते त्यांच्या मुलांचे कठोर परिश्रम स्वतः बघू शकतील. आयोजनास

मुख्याध्यापक हफीज़ मन्यार सर आणि पर्यवेक्षक सैय्यद मुख्तार सर यांचे विशेष  मार्गदर्शन लाभले. गणित शिक्षक अकिफ शेख सर, फैसल शाह सर आणि गणित विभागाचे प्रमुख शेख ज़ुबैर सर यांनी या प्रदर्शनाच्या यशासाठी कठोर परिश्रम घेतले.