मोफत मोतिबिंदू तपासणी शिबिराला १२७ रुग्णांचा प्रतिसाद

मोफत मोतिबिंदू तपासणी शिबिराला १२७ रुग्णांचा प्रतिसाद

७१ रुग्ण शस्त्रक्रियेसाठी पात्र; मंगळग्रह सेवा संस्थेचा उपक्रम
अमळनेर : येथील मंगळग्रह सेवा संस्था, ना. गुलाबरावजी पाटील सोशल फाउंडेशन (पाळधी), संकल्प सेवा फाउंडेशन (धनवाडी) तसेच आर. झुणझुणवाला शंकरा आय हॉस्पिटल (पनवेल) यांच्या संयुक्त विद्यमाने रविवारी (दि. १५) श्री मंगळग्रह मंदिर येथे मोफत मोतिबिंदू तपासणी शिबिराचे आयोजन करण्यात आले. या शिबिराचा १२७ रुग्णांनी लाभ घेतला, त्यापैकी ७१ रुग्ण मोतिबिंदू शस्त्रक्रियेसाठी पात्र ठरले आहेत.
पात्र रुग्णांना शस्त्रक्रियेसाठी मंगळवार, दि. १७ मार्च रोजी श्री मंगळग्रह मंदिर येथून विशेष वाहनाद्वारे आर. झुणझुणवाला शंकरा आय हॉस्पिटल, पनवेल येथे रवाना करण्यात येणार आहे.
या शिबिरात अमळनेर, धुळे, चोपडा, जळगाव, एरंडोल तसेच तालुक्यातील ग्रामीण भागातील रुग्णांनी मोठ्या संख्येने सहभाग नोंदविला. शिबिरात डॉ. राहुल चौधरी, भूपेंद्र वाघ, विजय संमेसे, हर्षदा शिंदे, प्राची गायकवाड, योगेश कोळी व सागर पाटील यांनी रुग्णांची तपासणी केली.
शिबिराच्या आयोजनासाठी मंगळग्रह सेवा संस्थेचे जनसंपर्क अधिकारी शरद कुलकर्णी, रजनीकांत पाटील, गणेश शिंदे, प्रमोद पाटील, नितेश बारी आदींनी सहकार्य केले.
दरम्यान, असे मोफत तपासणी शिबिर दर महिन्याच्या तिसऱ्या रविवारी श्री मंगळग्रह मंदिर येथे नियमितपणे आयोजित केले जाते, त्यामुळे नागरिकांनी या सुविधेचा लाभ घ्यावा, असे आवाहन मंगळग्रह सेवा संस्थेतर्फे करण्यात आले आहे.
“ग्रामीण व आर्थिकदृष्ट्या दुर्बल रुग्णांना मोफत तपासणी व उपचार मिळावेत, हा या शिबिरामागील मुख्य उद्देश आहे,” — शरद कुलकर्णी, जनसंपर्क अधिकारी, मंगळग्रह सेवा संस्था.