यावल तालुक्यातील २६ रुग्णांवर २६ रुग्णांवर मोफत मोतीबिंदू शस्त्रक्रिया
I जळगाव
ग्रामविकास मंत्री गिरीश महाजन व आमदार अमोल जावळे यांच्या मार्गदर्शनाखाली राबविण्यात येत असलेल्या वैद्यकीय सहायता उपक्रमाला यश मिळाले आहे. यावल, पाल तालुक्यातील २६ रुग्णांवर जळगाव येथील शासकीय वैद्यकीय महाविद्यालय व रुग्णालयात यशस्वी मोतीबिंदू शस्त्रक्रिया करण्यात आल्या .
जळगाव शासकीय वैद्यकीय महाविद्यालयाचे अधिष्ठाता डॉ. गिरीश ठाकूर आणि जिल्हा शल्य चिकित्सक डॉ. स्वप्निल सांगळे यांच्या मार्गदर्शनाखाली ही शस्त्रक्रिया मोहीम राबवण्यात आली. तज्ज्ञ डॉक्टरांच्या पथकाने योगदान दिले, प्रामुख्याने डॉ. प्रवीण पाटील, डॉ. मयुरी राठोड, डॉ. स्वाती असोले, डॉ. मयुरेश डोंगरे, सोबिया अन्सारी, डॉ. अनंत लांडगे या डॉक्टरांनी रुग्णांची तपासणी व शस्त्रक्रिया केल्या. त्यांना अधिपरिचारिका सुनीता वक्ते, मयुरी हिवर्डे, लालसिंग पावरा आणि उमेश वेल्हाळ यांचे सहकार्य लाभले. या मोहिमेचे नियोजन वैद्यकीय सहायता कक्षाचे समन्वयक शिवाजी पाटील यांनी केले. रुग्णांनी व त्यांच्या नातेवाईकांनी आमदार अमोल जावळे आणि मंत्री गिरीश महाजन यांच्या संकल्पनेतून चालणाऱ्या वैद्यकीय कक्षाचे आभार मानले .
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
