यावल तालुक्यात ६ हजार ६०८ घरकुलांच्या मंजुरी आदेशाचे वितरण

यावल तालुक्यात ६ हजार ६०८ घरकुलांच्या मंजुरी आदेशाचे वितरण

आ,चंद्रकांत सोनवणे यांच्या प्रयत्नातून राबविण्यात आला उपक्रम

 

यावल चोपडा प्रतिनिधी

चोपडा विधानसभा मतदार संघाचे प्रा.आ. चंद्रकांत सोनवणे यांच्या प्रयत्नाने त्यांच्या कार्यक्षेत्रात तथा यावल तालुक्यात ६ हजार ६०८ घरकुल लाभार्थ्यांना मंजुरी आदेशाचे वितरण गटविकास अधिकारी मंजुश्री गायकवाड यांच्या व आ. सोनवणे यांच्या प्रतिनिधींच्या उपस्थितीत करण्यात आले.

यावल पंचायत समिती सभागृहामध्ये प्रधानमंत्री आवास योजने अंतर्गत महाराष्ट्र राज्याने २०२४-२०२५ या आर्थिक वर्षात यावल तालुक्यासाठी ६ हजार ६०८ घरकुल योजनांसाठी मंजूर झाले असून या मंजूर लाभार्थीपैकी प्रतिनिधी स्वरूपात काही लाभार्थीनाअधिकारी मंजुश्री गायकवाड यांच्याहस्ते व आ.प्रा. चंद्रकांत सोनवणे यांच्या खास प्रतिनिधीच्या व पदाधिकायांच्या उपस्थितीत मंजुरी पत्र वितरण करण्यात आले.

यावल पंचायत समिती कार्यालयात चोपडा विधानसभा मतदारसंघाचे आ. प्रा. चंद्रकांत सोनवणे यांचे प्रतिनिधी सूर्यभान पाटील, भरत चौधरी, सुधाकर पाटील, दिनकर महाजन, आबा पाटील, भरत

पाटील तसेच प्रशासकीय अधिकारी तथा गटविकास अधिकारी मंजुषा गायकवाड, हबीब तडवी, विस्तार अधिकारी, कर्मचारी वर्ग व लाभार्थी यांना मंजुरी आदेशाचे वितरण अधिकारी व शिवसेनेचे पदाधिकारी यांच्याहस्ते करण्यात आले.

आ.प्रा. सोनवणे यांनी आवास योजनेच्या प्राथमिक अडीअडचणी प्रथम सोडवल्या

प्रधानमंत्री आवास योजनेसाठी

काही गावांमध्ये लाभार्थ्यांना जागेविषयीच्या अडचणी आल्या होत्या. त्या अडचणी शासकीय स्तरावर पाठपुरावा करून सोडवण्यासाठी चोपडा विधानसभा मतदारसंघाचे आ. प्रा. चंद्रकांत सोनवणे यांनी मोलाचे प्रयत्न केल्याने लाभार्थ्यांना

त्याचे मोठे सहकार्य लाभले, त्यामुळे शेकडो लाभार्थ्यांना घरकुलाचा लाभमिळणार असल्याची माहिती आ. सोनवणे यांचे प्रतिनिधी सूर्यभान पाटील यांनी दिली.