युवासेना शिवसेनेतर्फे विनामुल्य सीईटी सराव परीक्षा
जळगाव : राज्यात युवासेना प्रमुख आ. आदित्य ठाकरे यांच्या नेतृत्वात व युवासेना सचिव आ वरूण सरदेसाई यांच्या मार्गदर्शनाखाली सलग ७ व्या वर्षांपासून अकरावी, बारावी व पदवीचे शिक्षण घेत असलेल्या विद्यार्थ्यांसाठी मोफत सीईटी सराव परीक्षेचे आयोजन करण्यात आले आहे. शहरासह जिल्ह्यातील विद्यार्थ्यांसाठी युवासेना – शिवसेना उद्धव बाळासाहेब ठाकरे पक्षातर्फे ५ एप्रिल २०२६ रोजी सकाळी १०-ते दुपारी १ वाजेदरम्यान महावीर क्लासेस, गणेश कॉलनी, जळगाव या केंद्रावर ही मोफत सीईटी सराव परीक्षा घेण्यात येणार आहे. अभियांत्रिकी, वैद्यकीय, फार्मसी विभागाच्या कॉमन एन्ट्रन्स टेस्ट सराव परीक्षा महावीर क्लासेस, गणेश कॉलनी, जळगाव या केंद्रावर ऑफलाईन पद्धतीने घेण्यात येणार आहे. सराव परीक्षेत सहभागी होण्यासाठी ऑनलाईन नोंदणी बंधनकारक आहे. ३ एप्रिल २०२६ पर्यंत ऑनलाईन नोंदणी करण्याची मुदत आहे. अधिक माहितीसाठी युवासेना विभागीय सचिव विराज कावडीया व युवाधिकारी प्रितम शिंदे यांच्याशी संपर्क साधावा, असे आवाहन करण्यात आले आहे.
*******
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
