राज्यस्तरीय फुटबॉल स्पर्धेसाठी दिव्या बाविस्करची निवड; जळगावच्या खेळाडूचे यश
जळगाव, दि. २ ऑगस्ट – वेस्टर्न इंडिया फुटबॉल असोसिएशन, मुंबई यांच्या वतीने आयोजित राज्यस्तरीय आंतरजिल्हा १४ वर्षांखालील मुलींच्या फुटबॉल स्पर्धेसाठी महाराष्ट्राच्या संघासाठी निवड करण्यात आली असून, जळगाव जिल्ह्याची प्रतिनिधी म्हणून दिव्या रुपेश बाविस्कर हिची निवड करण्यात आली आहे. दिव्या ही पोदार इंटरनॅशनल स्कूल व उदय स्पोर्ट्स क्लबची उगम प्रतिभा असलेली खेळाडू आहे.
या यशानंतर जळगाव जिल्हा फुटबॉल संघटनेतर्फे तिला शुभेच्छा देण्यात आल्या. यावेळी संघटनेच्या कार्याध्यक्ष प्रा. डॉ. अनिता कोल्हे, पोडार स्कूलच्या क्रीडा प्रमुख छाया बोरसे आणि संघटनेचे सचिव फारुख शेख यांची उपस्थिती होती.
४ ते २० ऑगस्टदरम्यान मुंबईतील कूपरेज फुटबॉल मैदानावर प्रशिक्षण शिबिर होणार आहे. त्यानंतर २२ ते ३० ऑगस्टदरम्यान आसाममध्ये राष्ट्रीय स्पर्धेचे आयोजन करण्यात आले आहे. या स्पर्धेसाठी महाराष्ट्राचा अंतिम संघ याच शिबिरातून निश्चित केला जाणार आहे.
दिव्याच्या या निवडीबद्दल पोडार स्कूलचे प्राचार्य गोकुळ महाजन, उदय स्पोर्ट्सचे उदय फालक, संघटनेचे अध्यक्ष डॉ. उल्हास पाटील, वरिष्ठ उपाध्यक्ष जफर शेख, महिला क्रीडा प्रशिक्षिका हिमाली बोलले, मुख्य प्रशिक्षक राहील अहमद, वसीम शेख, अरबाज खान, मनोज सुरवाडे, भास्कर पाटील, ॲड. आमिर शेख, शेखर देशमुख, प्रा. डॉ. अनिता कोल्हे व इम्तियाज शेख यांनी अभिनंदन केले.
दिव्या बाविस्करच्या या यशामुळे जळगाव जिल्ह्यातून फुटबॉलच्या क्षेत्रात एक नवीन आशा निर्माण झाली आहे.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
