राज्यस्तरीय फुटबॉल स्पर्धेसाठी निवड चाचणी युवा खेळाडूंना सुवर्णसंधी; जळगावचे प्रतिनिधित्व करण्याची संधी

राज्यस्तरीय फुटबॉल स्पर्धेसाठी निवड चाचणी
युवा खेळाडूंना सुवर्णसंधी; जळगावचे प्रतिनिधित्व करण्याची संधी

जळगाव : फुटबॉलप्रेमी युवकांसाठी जळगाव जिल्हा फुटबॉल असोसिएशनतर्फे २० वर्षांखालील मुलांच्या आंतरजिल्हा फुटबॉल स्पर्धेसाठी निवड चाचणीचे आयोजन करण्यात आले आहे. ही चाचणी ५ एप्रिल २०२६ रोजी सकाळी ७ वाजता गोदावरी इंजिनिअरिंग कॉलेज मैदानावर होणार आहे.
या निवड प्रक्रियेमुळे जिल्ह्यातील उदयोन्मुख खेळाडूंना आपली कौशल्ये दाखवण्याची मोठी संधी मिळणार असून निवड झालेल्या खेळाडूंना राज्यस्तरीय आंतरजिल्हा स्पर्धेत जळगावचे प्रतिनिधित्व करता येणार आहे.
पात्रता निकष :
जन्मतारीख १ जानेवारी २००७ ते ३१ डिसेंबर २००९ दरम्यान असलेले खेळाडू पात्र राहतील. खेळाडूंनी आधार कार्ड, जन्म प्रमाणपत्र, दोन पासपोर्ट साईज फोटो आणि पूर्ण भरलेले संमतीपत्र सोबत आणणे आवश्यक आहे. अपूर्ण कागदपत्रे असल्यास प्रवेश दिला जाणार नाही.
महत्त्वाच्या सूचना :
सर्व खेळाडूंनी वेळेवर उपस्थित राहणे बंधनकारक असून योग्य फुटबॉल किटमध्ये उपस्थित राहण्याचे आवाहन करण्यात आले आहे.
जिल्ह्यातील ग्रामीण व शहरी भागातील युवकांना राष्ट्रीय स्तरावर झेप घेण्यासाठी हा उपक्रम महत्त्वाचा ठरणार असल्याचे मत व्यक्त होत आहे. या निवड चाचणीत मोठ्या संख्येने सहभागी होण्याचे आवाहन संघटनेचे अध्यक्ष डॉ. उल्हास पाटील, कार्याध्यक्ष प्रा. डॉ. अमिता कोल्हे व सचिव फारुक शेख यांनी केले आहे.