राज्यस्तरीय साहसी क्रीडा शिबिर स्पर्धेत विद्यापीठाच्या संघ ठरला सर्वोत्कृष्ट

राज्यस्तरीय साहसी क्रीडा शिबिर स्पर्धेत विद्यापीठाच्या संघ ठरला सर्वोत्कृष्ट

जळगाव ( प्रतिनिधी) : महाराष्ट्र शासनाच्या उच्च व तंत्र शिक्षण विभाग व संत गाडगेबाबा अमरावती विद्यापीठ यांच्या संयुक्त विद्यमाने चिखलदरा येथील “वन प्रशिक्षण संस्थेत” आयोजित राज्यस्तरीय साहसी क्रीडा शिबिर २०२५ मध्ये कवयित्री बहिणाबाई चौधरी उत्तर महाराष्ट्र विद्यापीठाच्या संघाने उल्लेखनीय कामगिरी करत ‘सर्वोत्कृष्ट विद्यापीठ’ हा मानाचा पुरस्कार पटकावला.

साहसी उपक्रमांमध्ये सहभाग
दहा दिवस चाललेल्या या शिबिरात विद्यार्थ्यांनी झिप लाईनिंग, स्काय सायकलिंग, ट्रेकिंग, वॉल क्लायंबिंग, रॅपलिंग, रिव्हर क्रॉसिंग यांसारख्या साहसी उपक्रमांमध्ये सहभाग घेतला. तसेच सांस्कृतिक कार्यक्रमांमध्येही उत्कृष्ट सादरीकरण केले.

या यशाबद्दल कुलगुरू प्रा. व्ही. एल. माहेश्वरी, प्र-कुलगुरू प्रा. एस. टी. इंगळे व कुलसचिव डॉ. विनोद पाटील यांनी विद्यार्थ्यांचे व मार्गदर्शकांचे अभिनंदन केले. प्रा. व्ही एम रोकडे यांच्या मार्गदर्शनाखाली कार्यक्रम अधिकारी राजेश्वरसिंग पाडवी यांच्या नेतृत्वाखाली संघाने ही कामगिरी केली. विद्यार्थी प्रतिनिधी म्हणून दिनेश राठोड, यश साकोरे, सुजीत गावित, अर्जुन भील, योगिता सरोदे, विद्या सोनवणे आणि कविता नवसारे यांनी सहभाग नोंदविला.