रामेश्वर कॉलनीतील राहत्या घरात गळफास घेत वृद्धाची आत्महत्या

रामेश्वर कॉलनीतील राहत्या घरात गळफास घेत वृद्धाची आत्महत्या

जळगाव : राहत्या घरात गळफास घेत देविदास

जंगलू हटकर (वय ६४, रा. मंगलपुरी, रामेश्वर कॉलनी) यांनी आत्महत्या केली. ही घटना दि. २१ रोजी सायंकाळी साडेसहा वाजेच्या सुमारास रामेश्वर कॉलनीत घडली. याप्रकरणी एमआयडीसी पोलिसात अकस्मात मृत्यूची नोंद करण्यात आली आहे. शहरातील रामेश्वर कॉलनीतील मंगलपुरी भागात देविदास हटकर हे वास्तव्यास होते. दि. २१ रोजी घरी कोणीही नसतांना देविदास हटकर यांनी राहत्या घरात गळफास घेत आपली जीवनयात्रा संपविली. ही घटना त्यांच्या कुटुंबियांच्या लक्षात येताच, त्यांनी लागलीच देविदास हटकर यांना जिल्हा शासकीय वैद्यकीय महाविद्यालय व रुग्णालयात दाखल केले. याठिकाणी वैद्यकीय अधिकाऱ्यांनी तपासणी करीत मयत घोषीत केले. हटकर यांच्या आत्महत्येचे कारण अस्पष्ट असून याप्रकरणी एमआयडीसी पोलिसात अकस्मात मृत्यूची नोंद करण्यात आली आहे. तपास पोहेकॉ सुनिल सोनार हे करीत आहे.