रावेरमध्ये विवाहित महिलेची गळफास घेऊन आत्महत्या

विवाहित महिलेची गळफास घेऊन आत्महत्या

रावेर शहरातील घटना; परिसरात खळबळ

रावेर (प्रतिनिधी) : रावेर येथील मन्यार वाडा भागात ३४ वर्षीय विवाहित महिलेने राहत्या घरात गळफास घेऊन आत्महत्या केल्याची घटना ४ मार्च रोजी घडली. या घटनेची नोंद रावेर पोलीस ठाण्यात करण्यात आली असून, आत्महत्येचे कारण अद्याप स्पष्ट झालेले नाही.

राहत्या घरात घेतला गळफास

मन्यार वाडा येथील सलमाबी अब्दुल रहीम (वय ३४, रा. मन्यारवाडा, रावेर) यांनी बुधवारी दुपारी राहत्या घरात गळफास लावून जीवन संपवले. याबाबत शेख इम्रान शेख शकील यांनी रावेर पोलीस ठाण्यात माहिती दिली.

या घटनेची नोंद अकस्मात मृत्यू म्हणून करण्यात आली असून, पुढील तपास सहाय्यक पोलीस निरीक्षक अंकुश जाधव करीत आहेत.

ही घटना परिसरात खळबळ माजवणारी असून, आत्महत्येचे कारण शोधण्यासाठी पोलीस तपास करत आहेत.