रावेरला श्रीकृष्ण गौ शाळेमध्ये गोपाष्टमीनिमित्त गौपूजन

रावेर प्रतिनिधी

येथील श्रीकृष्ण गौ शाळेमध्ये गोपाष्टमीनिमित्त गौपूजन शहरातील मान्यवरांच्या हस्ते करण्यात आले. यावेळी श्री कपिल शास्त्री दुबे यांनी ही माहिती दिली तसेच ऋषी महाराज यांनी उपस्थितांना मार्गदर्शन केले. तसेच समितीचे अध्यक्ष विशाल अग्रवाल यांनी गोशाळे मधील रिक्त असलेल्या जागेमध्ये एक भला मोठा डोम पत्री शेड उभारून या ठिकाणी अधिकाधिक गोवंश वाढविण्याचा मानस व्यक्त केला. व गाईंच्या राहण्यासाठी अधिकाधिक सुख सोयी उपलब्ध करून देण्यासाठी अधिकाधिक सर्वतोपरी प्रयत्न करण्याची आवश्यकता आहे; असे उद्बोधन केले. तसेच उपस्थित सर्व मान्यवरांचे आभार मानले. यावेळी ओम सुपर शॉप चे मालक मोती शेठ खटवानी, महेश खटवानी, उमेश वाणी, माजी अध्यक्ष सुनील अग्रवाल, राजेश अग्रवाल, उपाध्यक्ष भूषण कासार, भूषण अग्रवाल, कृष्णा ओतारी उपस्थित होते. यावेळी गो पूजन करून गोमातेची आरती करण्यात आली.