रोटरी क्लब जळगाव तर्फे ‘सर्वोत्तम फोटो स्पर्धा’; पोस्टरचे प्रकाशन उत्साहात

रोटरी क्लब जळगाव तर्फे ‘सर्वोत्तम फोटो स्पर्धा’; पोस्टरचे प्रकाशन उत्साहात

जळगाव, दि. १ ऑगस्ट – रोटरी क्लब जळगावतर्फे वृत्तपत्र छायाचित्रकार आणि हौशी छायाचित्रकारांसाठी आयोजित ‘सर्वोत्तम फोटो स्पर्धा’ या उपक्रमाच्या पोस्टरचे प्रकाशन नुकतेच करण्यात आले.

या कार्यक्रमप्रसंगी ज्येष्ठ छायाचित्रकार पांडुरंग महाले, शब्बीर सय्यद, दत्ता पाटील, संधीपाल वानखेडे, सचिन पाटील, वैभव धर्माधिकारी आदी मान्यवर उपस्थित होते. प्रास्ताविक रोटरी क्लबचे पब्लिक इमेज कमिटी चेअरमन राजेश यावलकर यांनी केले.

स्पर्धेसंदर्भातील चर्चेत क्लबचे मानद सचिव सुभाष अमळनेरकर, प्रोजेक्ट को-चेअरमन सुबोध सराफ, कम्युनिकेशन सेक्रेटरी पंकज व्यवहारे, पराग अग्रवाल, राकेश चव्हाण, माध्यम सल्लागार विजय डोहोळे, उल्हास सुतार यांचा सहभाग होता.

ही स्पर्धा दोन गटांत विभागलेली आहे –

1. वृत्तपत्र छायाचित्रकार गट: यात दैनिकात प्रसिद्ध झालेले ऐतिहासिक वारसा दर्शविणारे छायाचित्र अपेक्षित आहे.

2. हौशी छायाचित्रकार गट: यामध्ये ऐतिहासिक, सांस्कृतिक किंवा सामाजिक वारसा सांगणारे छायाचित्र पाठवावे लागेल.

स्पर्धेसाठी कोणतेही प्रवेश शुल्क नाही. जळगाव जिल्ह्यातील कोणतीही व्यक्ती, पत्रकार किंवा छायाचित्रकार यामध्ये सहभाग घेऊ शकतात. छायाचित्र सांस्कृतिक, ऐतिहासिक, ग्रामीण, धार्मिक, स्थापत्य, सामाजिक वा खाद्यसंस्कृतीशी संबंधित असावे.

प्रत्येक स्पर्धक कितीही छायाचित्रे पाठवू शकतो. मात्र, छायाचित्राचा प्रिंट आकार १२ बाय १८ इंच असणे आवश्यक आहे.

महत्त्वाच्या तारखा:

• छायाचित्र पाठविण्याची अंतिम तारीख: १० ऑगस्ट

• निवड प्रक्रिया: ११ ते १३ ऑगस्ट

• छायाचित्रांचे प्रदर्शन: १५ ते ३१ ऑगस्ट, पी.एन. गाडगीळ कला दालन, रिंगरोड, जळगाव

• पारितोषिक वितरण समारंभ: २२ ऑगस्ट

स्पर्धेसाठी छायाचित्रे खालीलपैकी कोणत्याही एका पत्त्यावर पाठवावीत किंवा संपर्क साधावा:

• प्रदीप खिवसरा – ३१८, गोलाणी मार्केट, हनुमान मंदिराजवळ, जळगाव

• राजेश यावलकर – २२०, तहसील कार्यालयासमोरील गल्ली, जळगाव

• असिफ मेमन – ४९, ईदगाह कॉम्प्लेक्स, अजिंठा रोड, जळगाव

अध्यक्ष गिरीश कुलकर्णी यांनी या उपक्रमात मोठ्या संख्येने सहभागी होण्याचे आवाहन केले आहे.