लाड सोनार समाजातर्फे जागतिक महिला दिन उत्साहात साजरा

लाड सोनार समाजातर्फे जागतिक महिला दिन उत्साहात साजरा

जळगाव – येथील श्री संत नरहरी महाराज लाड सुवर्णकार मंडळातर्फे आज जागतिक महिला दिनाचे औचित्य साधून महिलांसाठी विशेष कार्यक्रमाचे आयोजन करण्यात आले हा सोहळा अत्यंत उत्साहात आणि यशस्वीरीत्या पार पडला. सुरवातीला सर्व महिलांचे पुष्प वृष्टी करून स्वागत करण्यात आले.
भारतीय संस्कृतीचे जतन करत, अध्यक्ष विजय सोनार व उपाध्यक्ष राजेंद्र पल्लीवाळ यांच्या हस्ते गौ मातेचे पूजन व दीप प्रज्वलन करून कार्यक्रमाची मंगलमय सुरुवात झाली
कार्यक्रमाचे विशेष आकर्षण म्हणजे कन्सल्टिंग फिजिओथेरपिस्ट डॉ. मानसी सारोळकर यांनी उपस्थित महिलांना आरोग्यविषयक मोफत मार्गदर्शन केले. त्यांनी महिलांच्या दैनंदिन समस्यांवर प्रभावी उपचार व व्यायामाचे महत्त्व पटवून दिले, ज्याचा लाभ अनेक महिलांनी घेतला.

अनेक मान्यवरांच्या उपस्थित कार्यक्रमाच्या प्रमुख पाहुणे म्हणून श्रीमती मंगला नगरकर उपस्थित होत्या. तसेच ज्येष्ठ महिला सभासद श्रीमती वत्सला पल्लीवाळ यांची विशेष उपस्थिती लाभली.
युवा मंडळाचे अध्यक्ष दिपक सोनार यांच्या सूत्रसंचालनाने कार्यक्रमात रंगत भरली. या प्रसंगी परिचय पत्राचे अनावरण विजया कुलथे यांचे शुभ हस्ते करण्यात आले.
महिलांसाठी विविध मनोरंजक खेळांचे आयोजन करण्यात आले होते. या स्पर्धेतील विजेत्यांना मान्यवरांच्या हस्ते बक्षिसे देण्यात आली. विशेष म्हणजे, ‘कॅपोस्’ इंडस्ट्रीज च्या संचालिका अंजली सुनील कपोते यांच्या वतीने सर्व विजेत्या महिलांना आकर्षक भेटवस्तू देण्यात आल्या.
हा कार्यक्रम यशस्वी करण्यासाठी सोनल श्रीकांत कपोते, वैशाली मैड, दिपाली कपोते, मीना कुलथे, उषा सोनार, महेश डहाळे, प्रमोद सोनार, शेखर सोनार, मोहन पालीवाल, नंदा नगरकर, प्रविण डहाळे यांचे मोलाचे सहकार्य लाभले.
कार्यक्रमाची सांगता समस्त महिलांच्या हस्ते संत शिरोमणी नरहरी महाराजांची आरती करून अतिशय भक्तीमय वातावरणात करण्यात आली.