विद्यार्थ्यांना वह्यांचे वाटप : इंदिराबाई पाटणकर शाळेत उपक्रम

विद्यार्थ्यांना वह्यांचे वाटप : इंदिराबाई पाटणकर शाळेत उपक्रम

जळगाव –शिवाजीनगर येथील इंदिराबाई पाटणकर शाळेत दै. जळगाव वृत्त आणि निर्भय प्रकाश परिवार यांच्या संयुक्त विद्यमाने दरवर्षीप्रमाणे यावर्षीही विद्यार्थ्यांना शालेय वह्यांचे मोफत वाटप करण्यात आले.

या उपक्रमासाठी आयोजित कार्यक्रमात प्रमुख पाहुणे म्हणून विधीमंडळ पत्रकार संघाचे सदस्य कमलाकर वाणी, नूतन महाविद्यालयाचे उपप्राचार्य आर. बी. देशमुख, लोकशाहीचे वरिष्ठ उपसंपादक दीपक कुलकर्णी, महा पोलीस न्यूजचे संपादक चेतन वाणी, तसेच सरोजिनी लभाणे, विजय बागुल, प्रशांत सपकाळे, सुनील सपकाळे आणि शाळेचे मुख्याध्यापक कैलास तायडे आदी मान्यवर उपस्थित होते.

कार्यक्रमात कमलाकर वाणी, आर. बी. देशमुख आणि चेतन वाणी यांनी विद्यार्थ्यांना प्रेरणादायी मार्गदर्शन केले.
कार्यक्रमाच्या यशस्वीतेसाठी निर्भय प्रकाश परिवारातील योगेश अहिरे, बापू अहिरे, प्रकाश अहिरे, वैशाली अहिरे, भारत अहिरे, कोमल अहिरे, इरफान शेख, पंचशीला कांबळे व अजित शेख यांनी विशेष मेहनत घेतली.

वह्यांचे वाटप मान्यवरांच्या हस्ते करण्यात आले. कार्यक्रमाचे सूत्रसंचालन प्रशांत आगलावे यांनी तर आभार प्रदर्शन योगेश अहिरे यांनी केले.
या उपक्रमात मनीष कोल्हे यांचे मोलाचे सहकार्य लाभले.