विना परवानगी वाळू वाहतूक करणाऱ्या दोन ट्रॅक्टरवर कारवाई

विना परवानगी वाळू वाहतूक करणाऱ्या दोन ट्रॅक्टरवर कारवाई

आव्हाणे फाट्याजवळ पोलिसांची धडक मोहीम; दोन ब्रास वाळूसह वाहने जप्त

जळगाव : विनापरवानगी वाळू वाहतूक करणाऱ्यांविरोधात तालुका पोलिसांनी कठोर कारवाई करत दोन ट्रॅक्टर जप्त केले. या कारवाईत दोन ब्रास वाळूही जप्त करण्यात आली असून अवैध उत्खनन आणि वाहतुकीवर लगाम लावण्याच्या दृष्टीने पोलिसांची ही मोहीम महत्त्वाची मानली जात आहे.

दि. ३ एप्रिल रोजी आव्हाणे फाट्याजवळ ही कारवाई करण्यात आली. या प्रकरणी पोलीस हवालदार प्रवीण पाटील यांनी दिलेल्या फिर्यादीवरून चालक अनिल वना पाटील (वय ५०, रा. वैजनाथ, ता. एरंडोल) आणि अक्षय सुधाकर पाटील (वय २८, रा. मेस्कोमाता नगर, जुने जळगाव) यांच्याविरुद्ध गुन्हा दाखल करण्यात आला आहे.

दरम्यान, जिल्ह्यात अवैध वाळू उत्खनन व वाहतूक रोखण्यासाठी पोलिसांनी अशी कारवाई अधिक तीव्र करण्याचे संकेत दिले असून, संबंधितांविरोधात कठोर पावले उचलली जाणार असल्याचेही स्पष्ट करण्यात आले आहे. पुढील तपास पोलीस नाईक कैलास इंगळे करीत आहेत.