विवेकरत्न प्रश्नमंजुषा स्पर्धेची अंतिम फेरी जल्लोषात
जळगाव प्रतिनिधी विवेकानंद प्रतिष्ठानच्या काशिनाथ पलोड पब्लिक स्कूल, मध्ये प्रतिष्ठानस्तरीय विवेकरत्न प्रश्नमंजुषा स्पर्धेची अंतिम फेरी उत्साहात पार पडली. या स्पर्धेत विवेकानंद प्रतिष्ठानच्या काशिनाथ पलोड पब्लिक स्कूल, इंग्लिश मीडियम स्कूल, सेमी इंग्लिश मीडियम स्कूल व ब.गो. शानभाग विद्यालय या चार शाळांच्या विद्यार्थ्यांनी सहभाग घेतला.
कार्यक्रमास परिश्रम फाऊंडेशनचे संचालक मा. जितेंद्रजी चौधरी प्रमुख पाहुणे म्हणून उपस्थित होते. तसेच विवेकानंद प्रतिष्ठानचे सचिव श्री. विनोदजी पाटील, प्रशासकीय अधिकारी श्री. दिनेशजी ठाकरे, विवेकानंद प्रतिष्ठानच्या माजी अध्यक्षा श्रीमती शोभाताई पाटील व शैक्षणिक परिषदेचे अध्यक्ष डॉ. रत्नाकरजी गोरे यांची उपस्थिती लाभली.
स्पर्धा दोन गटांत झाली – कनिष्ठ (५ वी ते ७ वी) व वरिष्ठ (८ वी ते १० वी). पाच फेऱ्यांतील रोमांचक स्पर्धेनंतर ब.गो. शानभागच्या फॅक्ट फाइंडर्सने कनिष्ठ गटात तर इंग्लिश मीडियम स्कूलच्या माइंड मास्टर्सने वरिष्ठ गटात विजेतेपद पटकावले.
या कार्यक्रमाचे नियोजन श्री.इम्रान खाटीक ,सौ. पूजा शर्मा, श्री संजय बोंडे केले. या स्पर्धेसाठी शाळेचे प्राचार्य श्री प्रविण सोनावणे, समन्वयिका सौ. स्वाती अहिरराव ,सौ. अनघा सागडे यांचे मार्गदर्शन आणि सर्व शिक्षक व शिक्षकेतर कर्मचारी यांचे सहकार्य लाभले.
दै. बातमीदार चे अपडेट्स मिळवण्यासाठी आम्हाला फॉलो करा
फेसबुक । ट्विटर ।युट्युब | इंस्टाग्राम | गुगल न्यूज | टेलिग्राम
