विवेकानंद प्रतिष्ठान काशिनाथ पलोड पब्लिक स्कूलमध्ये Sr. KG पालक सभा उत्साहात संपन्न

जळगाव: विवेकानंद प्रतिष्ठान संचलित काशिनाथ पलोड पब्लिक स्कूलच्या पूर्व प्राथमिक विभागात मंगळवार, २२ जुलै २०२५ रोजी Sr. KG च्या विद्यार्थ्यांसाठी पालक सभेचे यशस्वी आयोजन करण्यात आले.

या पालक सभेची सुरुवात शाळेच्या समुपदेशिका सौ. चंचल रत्नपारखे आणि श्री व सौ. पवार यांच्या शुभहस्ते दीपप्रज्वलनाने झाली. त्यानंतर Sr. KG च्या विद्यार्थ्यांनी आणि संगीत शिक्षिका जया साळुंखे यांनी मधुर स्वागत गीत सादर करून उपस्थितांचे मन जिंकले.

शाळेचे प्राचार्य श्री. प्रवीण सोनावणे यांनी पालकांशी संवाद साधत शाळेचे उद्दिष्ट आणि दूरदृष्टी स्पष्ट केली. त्यानंतर सौ. सारिका कुलकर्णी यांनी शाळेबद्दल आणि विविध शैक्षणिक उपक्रमांबद्दल पॉवरपॉईंट प्रेझेंटेशन (PPT) च्या माध्यमातून सविस्तर माहिती दिली. शाळेच्या समुपदेशिका सौ. चंचल रत्नपारखे यांनी “आदर्श पालकत्व” या महत्त्वपूर्ण विषयावर पालकांना मार्गदर्शन केले, ज्यामुळे पालकांना आपल्या पाल्याच्या सर्वांगीण विकासासाठी उपयुक्त टिप्स मिळाल्या.

या पालक सभेचे सूत्रसंचालन आणि आभार प्रदर्शन सौ. रोहिणी बाऊस्कर यांनी केले. प्राचार्य श्री. प्रवीण सोनावणे आणि समन्वयिका अनघा सागडे यांनी पालक सभेला मार्गदर्शन केले, ज्यामुळे सभेला अधिक उंची प्राप्त झाली. या पालक सभेमुळे पालक आणि शाळेतील शिक्षक यांच्यात सकारात्मक संवाद घडून आला, जो विद्यार्थ्यांच्या उज्ज्वल भवितव्यासाठी महत्त्वाचा ठरेल