विवेकानंद प्रतिष्ठान शाळेत पालक सभेचे आयोजन; विद्यार्थ्यांच्या सर्वांगीण विकासावर भर

विवेकानंद प्रतिष्ठान शाळेत पालक सभेचे आयोजन; विद्यार्थ्यांच्या सर्वांगीण विकासावर भर

नवीन शैक्षणिक धोरण आणि उपक्रमांवर पालकांना मार्गदर्शन

जळगाव : येथील विवेकानंद प्रतिष्ठान संचालित प्राथमिक आणि उच्च प्राथमिक शाळा, वाघ नगर येथे शैक्षणिक वर्ष २०२५ साठी २८ ते ३१ जुलै या कालावधीत इयत्ता १ ते ४ थीच्या विद्यार्थ्यांसाठी पालक सभांचे आयोजन करण्यात आले होते. या सभांमध्ये विद्यार्थ्यांच्या सर्वांगीण विकासावर सखोल चर्चा करण्यात आली.

या पालक सभेचा मुख्य उद्देश, विद्यार्थ्यांना केवळ बौद्धिक नव्हे तर शारीरिक, मानसिक आणि भावनिकदृष्ट्याही विकसित करण्यासाठी पालकांना मार्गदर्शन करणे हा होता. सभेमध्ये नवीन शैक्षणिक धोरण, अभ्यासक्रम, विविध उपक्रम आणि प्रकल्पांवर चर्चा झाली. तसेच, संपदा भुरे यांनी पालकांकडून काही ॲक्टिव्हिटी करून घेतल्या.

प्रमुख पाहुण्यांचे मार्गदर्शन

प्रत्येक इयत्तेच्या पालक सभेला प्रमुख पाहुणे उपस्थित होते.

• इयत्ता पहिली: विवेकानंद प्रतिष्ठान संस्थेच्या तज्ज्ञ मार्गदर्शक प्रांजली रस्से यांनी मार्गदर्शन केले.
• इयत्ता दुसरी: संस्थेच्या व्यवस्थापन मंडळाच्या सदस्य वैजयंती पाध्ये यांनी मार्गदर्शन केले.
• इयत्ता तिसरी: शाळेचे मुख्याध्यापक हेमराज पाटील आणि समन्वयिका भाग्यश्री वारुडकर यांनी मार्गदर्शन केले.
• इयत्ता चौथी: संस्थेच्या व्यवस्थापन मंडळाचे सदस्य डॉ. महेंद्र शिरूडे यांनी मार्गदर्शन केले.

यावेळी, पालकांच्या समस्यांचे निराकरण मुख्याध्यापक हेमराज पाटील यांनी केले. तसेच, पालक सभा प्रमुख प्रतिभा चौधरी यांच्या नियोजनाखाली रीता पवार, दिपाली कापडणे, संगीता पाटील आणि जयश्री वंडोळे यांनी सूत्रसंचालन केले, तर कल्याणी वाणी यांनी गीत सादर केले.