व्यावसायिक एलपीजी सिलिंडर दरवाढीचा फटका

व्यावसायिक एलपीजी सिलिंडर दरवाढीचा फटका

१ मार्चपासून १९ किलो गॅस सिलिंडर २८ रुपयांनी महाग; घरगुती दर जैसे थे

नवी दिल्ली : १ मार्च २०२६ पासून एलपीजी सिलिंडरच्या किमतीत पुन्हा वाढ करण्यात आली असून ही दरवाढ फक्त १९ किलोच्या व्यावसायिक गॅस सिलिंडरवर लागू करण्यात आली आहे. नव्या दरानुसार १९ किलो एलपीजी सिलिंडरची किंमत १,७४०.५० रुपयांवरून १,७६८.५० रुपयांवर पोहोचली असून प्रति सिलिंडर २८ रुपयांची वाढ झाली आहे. त्यामुळे रेस्टॉरंट, हॉटेल, कॅटरिंग व्यवसाय तसेच लहान व्यावसायिकांच्या खर्चात वाढ होण्याची शक्यता व्यक्त होत आहे.
दरम्यान, १४.२ किलोच्या घरगुती गॅस सिलिंडरच्या दरात कोणताही बदल करण्यात आलेला नाही. मुंबईत घरगुती सिलिंडर ८५२.५० रुपये, दिल्लीत ८५३ रुपये, कोलकात्यात ८७९ रुपये तर चेन्नईत ८६८.५० रुपये दर कायम आहेत. मागील काही महिन्यांपासून घरगुती गॅसचे दर स्थिर असून सर्वसामान्य ग्राहकांना दिलासा कायम आहे. व्यावसायिक दरवाढीमुळे बाजारातील खाद्यपदार्थांच्या किमतींवर परिणाम होण्याची शक्यता तज्ज्ञांकडून व्यक्त केली जात आहे.