शहीद जवानाच्या कुटुंबियांचे खा. स्मिता वाघ यांनी केले सांत्वन

शहीद जवानाच्या कुटुंबियांचे खा. स्मिता वाघ यांनी केले सांत्वन

जवानाच्या मुलीच्या शिक्षणाचा संपूर्ण खर्च बोहरा सेंट्रल स्कूल करणार

अमळनेर/पारोळा : देशासाठी बलिदान देणाऱ्या पारोळा येथील शहीद जवान जितेंद्र देविदास चौधरी यांच्या कुटुंबीयांची खा. स्मिता वाघ यांनी भेट घेऊन त्यांचे सांत्वन केले. या दुःखदप्रसंगी त्यांच्या कुटुंबाला आधार देण्यासाठी व त्यांच्या मुलीच्या उज्ज्वल भविष्यासाठी विशेष निर्णय घेतला.

खा. स्मिता वाघ यांनी शहीद जवानाच्या पत्नी व आई-वडिलांना धीर देत देशासाठी बलिदान दिलेल्या कुटुंबाच्या पाठीशी समाज उभा राहिला पाहिजे, असे म्हणत, त्यांच्या मुलीच्या शिक्षणाची जबाबदारी घेण्याची

विनंती बोहरा हायस्कूलचे चेअरमन सुरेंद्र बोहरा यांना केली. या विनंतीला सकारात्मक प्रतिसाद देत सुरेंद्र बोहरा यांनी जवानाच्या कन्येचे आठवीपर्यंतचे संपूर्ण शिक्षण बोहरा सेंट्रल स्कूलतर्फे मोफत देण्याचे जाहीर केले. या निर्णयामुळे कुटुंबीयांच्या डोळ्यांत अश्रू तरळले होते. या वेळी सुरेंद्र बोहरा, गोपाळ दाणेज, भाजपचे तालुकाध्यक्ष रवींद्र पाटील, शहराध्यक्ष मुकुंदा चौधरी, शिवसेनेचे शहराध्यक्ष अमृत चौधरी, अतुल पवार, सचिन गुजराथी, अतुल पवार, धीरज महाजन आदी कार्यकर्ते उपस्थित होते.